Actas do Seminario Internacional O futuro da memoria - Arquivos de ...

392
vas leváronse a cabo para dar operatividade ao traballo de descrición, dado
que ate a data non contamos cun modelo de normas nacionais de descrición
definitivo.De feito, a Comisión de Normas Españolas de Descripción Archivísticas
(CNEDA) non comezou o funcionamento como comisión ministerial ate
o ano 20071 , e nestes momentos produciu o modelo conceptual do sistema
de información arquivística, mentres que está pendente aínda o modelo formal.
A partir do modelo conceptual, PARES debe ser o espazo no que realizar
determinadas as adaptacións na lóxica de relacións entre os niveis de descrición
superando os marcos do esquema rixidamente xerarquizado de niveis
descritivos da tradición arquivística española, influenciada por unha enorme
carga administrativa e de tradicións nas que se fundían as lóxicas da unidade
arquivística (o documento) coa da unidade de conservación (a caixa, o
atado, a carpeta), así como doutras dinámicas de natureza clasificatoria do
coñecemento para agrupar e identificar os diferentes fondos e coleccións.
Respecto á arquitectura relacional, o deseño orixinario de PARES baseado
nunha arquitectura de bases de datos relacionais, adáptase moi ben ao esquema
conceptual de CNEDA, permitindo basicamente a evolución do sistema
de información para agregar diferentes estándares ou estruturas de metadatos
cuxas relacións enriquecen o documentos segundo as novas propostas
descritivas (Delgado, 2007).
En 2009 comezouse a incorporación dun módulo de elaboración e xestión
de autoridades segundo a norma ISAAR-CPF; estando previsto no organigrama
da Subdirección Xeral de Arquivos que a supervisión e normalización
final deste ámbito de traballo estea a cargo do Centro de Información
Documental de Arquivos [CIDA]. A descrición das institucións produtoras de
arquivos segundo a nova norma ISDIAH débea proporcionar o Censo- Guía
de Archivos de España e Iberoamérica.
Para prover de contidos dende PARES a APENet comezáronse a incorporar
as pasarelas [crosswalk] que permitan o fluxo de metadatos con información
arquivística segundo a linguaxe de marcado. Nun primeiro momento,
elaborouse unha pasarela entre ISAD (G) de PARES e XML-EAD, nun segundo
momento fixéronse as mesmas probas de carga entre ISAD (G) de PARES
co XML-EAD elaborado especificamente por APENet, todo isto en canto aos
contidos arquivísticos, é dicir, as entidades documentais físicas (documentos)
e as entidades documentais intelectuais (unidades de fondo, colección e serie).
A interoperabilidade dos produtores e das institucións arquivísticas farase
con cadansúa pasarela entre ISAAR-CPF de PARES con XML-EAC-CPF e
mediante a pasarela de ISDIAH do Censo-Guía con XML-EAG, respectivamente.
Unha vez asentados estes estándares e maduradas as estratexias de
traballo nos arquivos, procederase á incorporación das normas sobre fun-