Actas do Seminario Internacional O futuro da memoria - Arquivos de ...

tratará os metadatos mínimos obrigatorios, a asociación dos datos e metadatos
de sinatura ou de selado de tempo, así como outros metadatos complementarios
asociados; e os formatos de documento.
Así, a intención da norma técnica de interoperabilidade de documento
electrónico é abordar os compoñentes do documento electrónico, así como
a estrutura e formato para o seu intercambio, co obxecto de fixar unhas bases
que permitan satisfacer os requisitos e as necesidades inmediatas á vez
que posibles necesidades futuras mediante, de ser o caso, oportunas ampliacións
de forma sucesiva.
Parece necesario, en primeiro lugar, clarificar os conceptos de documento
electrónico, documentos administrativo electrónico, documentos do cidadán
ou documento privado, así como apuntar unha visión dos procesos principais
asociados ao seu ciclo de vida.
O anexo da Lei 11/2007 define documento electrónico como:
información de calquera natureza en forma electrónica, arquivada nun soporte
electrónico segundo un formato determinado e susceptible de identificación e
tratamento diferenciado.
En canto a documento administrativo electrónico, o artigo 29 da citada
Lei establece que:
as administracións públicas poderán emitir validamente por medios electrónicos
os documentos administrativos aos que se refire o artigo 46 da Lei 30/1992, de
réxime xurídico das administracións públicas e do procedemento administrativo
común, sempre que incorporen unha ou varias sinaturas electrónicas conforme
ao establecido na sección III do capítulo II da presente Lei.
Figura 3: Contexto
da Política de xestión
de documentos na
administración
(Fonte: traballo en
curso no ENI).
287