LA HOMO KIU NE SUKCESIS TROMPI SIN MEM - UECI

La homo kiu ne sukcesis trompi sin mem
Ĉapitro kvina
Novicado vera, sed interamuzaj distraĵoj
Pasis la tago kun siaj emocioj kaj komenciĝis la senprecedenca vivo. De
tiu ĉi momento ĉiu el ni testu sian virtprovizon kaj sian inklinon doni sian vivon
al Dio pere de l’ obeo, de l’ malriĉeco, de l’ ĉasteco kaj sin lasu trejni en
la arto malkovri kaj mastrumi kaj fruktigi siajn pasiiĝintajn emojn.
Meditoj kaj preĝoj ofte, sed iom malregule, estis interrompataj aŭ preterlasataj,
krom pro kontraŭaviadilaj alarmoj, ankaŭ pro laboro de arbarigo de la
monteta kulmino: per pioĉoj kaj ŝoveliloj kaj martelego ni rompadis rokajn
skvamaĵojn ĝis trimetra profundo laŭ dumetra larĝo por prepari kavaĵojn, kiuj,
plenŝutitaj je selekta grundo, fariĝos huma lito por cipresoj kaj pinoj jam zorgate
kreskantaj en la forcejo. Ĉiu novica kovitaro vorte kaj memorŝilde fieris
pri siaj kavaĵoj kaj siaj longvivaj enplantitaj arboj kaj rekomendis al sekva novica
grupo la necesajn prizorgojn kaj respekton pri la ŝildetoj cizelitaj sur ŝtonoj
je stilo de egiptaj faraonoj! Revizitite post dekoj da jaroj, la monteto aperas
tute vestita je imponaj kaj prosperaj arboj, kontraŭ la malantaŭaj senplantaj elstaraĵoj,
kiel verda mantelo sur la ŝultroj de la ĉirkaŭa ebenaĵo.
Kurioza epizodo, elnombrenda por komprenigi la cirkonstancajn etoserojn,
ligiĝas al tiuj fosaĵoj.
Finnovembron, je la dekkvara kredeble, la klerika junularo, demetinte la
religiulan vestaĵon, ĉirkaŭkonvente estis elfosantaj ĉiu aro sian rokan kavon
kiam en la ĉielo venis kreskanta bruo sekvata de fumsignoj de ĉasaviadiloj,
jam aŭdiĝas kraketado de mitraloj, plifore jen alvenas la kolono de aergigantoj.
Ni jam alkutimiĝis ilin senti pasantaj sur nia kapo, sed hodiaŭ okazas io
plia ĉar la aliancaj eskortaj ĉasaviadiloj nun flugas kontrastataj de germanaj
samspecaj aviadiloj (tio efektivigis la lastan aviadilan oponon, de tiam la germana
aviado tute forsaltis de ekzisto, en Italujo). Kion ni faru? Instinkte ni ĵete
malsupreniras la proksimajn pli ol trimetrajn profundajn kavojn: bomboj aŭ kugloj,
kies splitoj jam siblante ekresaltas ĉirkaŭe, povus nin trafi nur plonĝante
vertikale, eventualo, se ne nula, preskaŭ hazarda. Dum brupaŭzo reskuas nin
senespera voko; kelka el ni suriras la ŝultrojn de alia por vidi: distance je dek/dek
kvin metroj kriegas kaj helppetas virino en kuŝa pozicio ĉe sia biciklo. Ŝi nin
vidinte plonĝantaj en tian ŝirmejon, ŝi forlasas la biciklon, sin ĵetas en nian fosaĵon,
sed, pro mallerteco aŭ pro malbonŝanco, ŝia kazako kun subvestoj ek-
59