Revista Haemus nr. 30-32 - Libraria pentru toti

KRENAR ZEJNO 35
Na ishte se ç’na është...
“Si u bëka, more vëlla,
që të mësojmë nga kukullat
si të duam njeriun?”
Ja një maraz poeti, përgjatë vargut të Milazim Krasniqit, i denjë për të na e
ngarë rrëfimin mbi kukullat ndër përralla njerëzish.
Gjenia e Rilkes me një ese magji kukullat i pat ngritur gjer në elegji; e na
bën të kujtojmë zemëratën që shkaktonte shpërfillja e tyre, mizore e pagojë;
zhgënjimin fillimtar të realitetit që po mësynte në vrrunduj me shumicë:
“Përpara kukullës shtrëngoheshim të pranonim që nëse do braktiseshim prej
saj, nuk na mbetej kësisoj askush më. Heshtte ajo ahere, jo për kryeneçësi;
heshtte ngaqë ky ishte i parreshturi bishtnim i saj, sepse qe gatuar prej një
lënde pa voli e fare të papërgjegjshme, s’bëzante dhe as i shkonte nëpër
mentë të krekosej, sidoqë do t’i lypsej shumë t’i jepte ca rëndësi vetes në
një botë ku fati, nëmos dhe Zoti vetë, e kanë tërë atë zulmë ngase na bëjnë
ballë heshtazi.
Në një kohë kur të gjithë ende turreshin të na e jepnin përgjigjen vetëtimthi
për t’na dhënë siguri, ish ajo, kukulla, më e para që na pështillte ndër më
t’madhen heshtje të jetës, e cila më vonë gjithëherë kthehej të na ndihte,
diku tek mbërrinim në kufi të ekzistencës”.
Ja kështu pra, nga ato pulitje qepallash kallpe ballë përkujdesjes fëminore,
ze fill i pari leksion i madh mbi atë dashje bote e cila bëhet sublime kur do e
dashuron. Edhe si fëmija kukullat, pa i thirrur hiç kryes nëse bota sakaq,
dashka dhe ajo a si!
Duke ndjerë kukullën e nderur në papërfillje mësohet si të japë e të jepet, në
një dhënie pa u zbehur a shtirur si kukull e vonët për Jungët e Fromët.
35 I diplomuar per Biologji dhe Juridik, piktor autodidakt, shkruan ese, poezi, poema,
përkthen, por veprimtaria e tij më e dendur është ajo turistike, e botuesit dhe
kuratorit të Galerisë ZENIT që e ka pronë të vetën. Gjithashtu, si botanist, prej më se
dymbëdhjetë vjetësh, Zejno drejton një shoqatë gjahtarësh, që ka në gjirin e saj
njerëz të apasionuar pas natyrës, artit dhe filozofisë. Ndërkohë ka një program
turistik që fokuson zejet kombëtare në pasuri dhe vlerë natyrore. Galeria ZENIT e ka
marrë emrin si seli e këtyre veprimtarive. Aty, veç ekspozitave të pikturës, ka edhe
lëvizje turistike, botime etj. Krenar Zejno është, ndër të tjera, autor i vëllimit „Epika
e dehur”.
100