Revista Haemus nr. 30-32 - Libraria pentru toti

MEDALION
ANTON ÇEFA
U lind në Shkodër në vitin 1934, në një familje antikomuniste, me tradita
atdhetare e kulturore. I ati, Shtjefën Çefa, ka qënë një ndër themeluesit e
“Bogdani”-t (1919-1944), shoqëri e shquar kulturore laike demokratike.
Kreu shkollën fillore e të mesme dhe Institutin Pedagogjik 2-vjeçar në
Shkodër, dy vitet e fundit të arsimit të lartë në Universitetin e Tiranës, në
Fakultetin e Histori-Filologjisë (me korrespondencë). Ka shërbyer si mësues
në shkolla 8-vjeçare dhe të mesme. Mbas rënies së diktaturës, u bë një ndër
themeluesit e antar i këshillit botues të gazetës “Shkodra”, i pari organ
shtypi lokal demokratik në Shqipëri. Gjithashtu ka qënë anëtar i këshillit
botues të revistave “Rrezja e jonë” dhe “Kumbona e së Dielles”, që filluan
të dalin në Shkodër në atë kohë. Për një periudhë të shkurtër ka punuar si
drejtor i Radio Shkodrës. Në vitin 1993 emigroi familjarisht në Shtetet e
Bashkuara të Amerikës. Që nga viti 1994 është editor i gazetës “Dielli”,
organ i Federatës Panshqiptare Vatra. Ka botuar përmbledhjet poetike:
“Dritarja e një britme” (1999), “Heshtja ka tingull guri” (2002), “Fjalë në
vargoj të muzgët” (2003). Ka gati për botim librat: “Psikologjia etnike e
popullit tonë - tradita”; “Edukatë popullore shqiptare”, “Kritikë letrare:
syzime-analiza-intervista”, “Ftillime publicistike”, “Portrete”, “Me Nolin e
Konicën tek ‘Vatra’ - ese”, sidhe një përmbledhje poezish të përkthyera nga
italishtja dhe anglishtja.
Etja për nji delir të blertë
Kur në qiell të andrrës sime prek
Me duer të brishta,
Zgjohen vegime të ylberta mallesh.
Engjuj me brerore drite zbresin
Mbi meloditë e dhimbjes
Që s' ka të sosun.
E duer akordesh të çuditshme
Ndalojnë flutrim'n e kohës.
Etja më merr për nji delir të blertë.
109