Revista Haemus nr. 30-32 - Libraria pentru toti

Në këtë pjesë të Rumanisë u panë edhe rezultatet e këtij biznesi. Mijëra e
mijëra shtetas italianë erdhën këtu ngritën biznese dhe filluan të blejnë toka.
Biznesmeni austriak e sheh me leverdi investimin në Rumani
Kur ata erdhën këtu çmimi i tokës ishte më pak se 100 euro për hektar, tani
ky çmim është të paktën 1500 euro për hektar.
Popullsia vendase u zgjua pak vonë dhe tani që është kuptuar rëndësia e
vlerës së tokës askush nuk shet më.
Ndër ata që e kanë kuptuar potencialin rumun në agrikulturë është edhe
konti austriak, Andreas Graf von Bardeau.
Konti austriak thotë se e zgjodhi zonën e Timishit për të punuar për shkak të
afërsisë gjeografike, stabilitetit dhe se në këtë rajon flitet gjermanisht.
Timishoara njihet ndryshe edhe si "Vjena e vogël", sepse për një kohë të
gjatë ka qënë pjesë e Perandorisë së Hazburgëve. Qendra e qytetit është plot
me ndërtesa të ndërtuar në kohën e perandorit, ndërtesa që të kujtojnë
shumë Vjenën. Konti von Bardeau ka blerë mijëra hektarë tokë që përdoret
për drithëra dhe kullota. Ai ka punësuar rumunë që flasim gjuhën gjermane
dhe i ka specializuar ata në Austri. Konti që ka një kështjellë për shtëpi në
Austri e ka investimin e tij të parë jashtë vendit, kurse familja e tij ka
biznese në Spanjë dhe në vende të tjera. Prodhimet bujqësore dhe blegtorale
shiten brenda Rumanisë, kurse për mishin, bagëtitë dërgohen për t'u therrur
në Austri, pasi therrtoret në Rumani nuk kanë ende standartet evropiane.
Konti thotë se bujqësia është një investim shumë i rëndësishëm.
"Nëse arat dhe fushat janë të punuara, kjo është gjë shumë e mirë edhe për
turizëm. Për mua është problem nëse dikush nuk e kupton se çdo vit
humbasin miliona, nëse toka nuk punohet në të paktën 40 për qind të
kapacitetit të saj. Rumania më parë eksportonte tani ajo importon."
Konti austriak thotë se nuk sheh aspak rreziqe në biznesin e tij në Rumani.
"E blemë tokën për 300 euro për hektar dhe pas 6 vjetësh kjo tokë kushton
2600 euro për hektar.
Investimet në vend kanë bërë që krahasuar me 10 vjet më parë, kur
papunësia në qytetin e Timshoarës ishte në nivelin 16 për qind sot të jetë në
nivelin 2 për qind. Në Bashki dhe Prefekturë na treguan se në këtë pjesë të
Rumanisë dhe në mbarë vendin problem ka filluar të jetë mungesa e krahut
të punës sidomos në ndërtim. Dy milion rumunë jetojnë dhe punojnë jashtë.
Rroga mesatare është afërsisht 300 euro dhe përsa kohë kjo të jetë në këto
nivele, shumë vendas do të preferojnë të qëndrojnë jashtë për të fituar më
shumë.
Italianët dhe romët
Siç na tha edhe Prefekti i Timishoarës Ovidiu Draganescu, ndër të huajt që
kanë përfituar më së shumti nga biznesi i shit-blerjes së tokave janë
biznesmenët italianë. Këta të fundit i takoje në çdo cep të Timishoarës.
227