Revista Haemus nr. 30-32 - Libraria pentru toti

MEDALION
DHURATA HAMZAI
Dhjeta e revistës “Poeteka”
Më në fund, numuri 10 i revistës “Poeteka” kurorëzohet me staturën e një
modeli unik të një reviste të plotë për poezinë dhe kulturën poetike në
gjuhën shqipe, e para kjo në llojin e vet. Tashmë është në treg me 135 faqe.
Kjo revistë është edhe e vetmja në tregun e letrave që promovon krijimet
poetike të një game të gjerë emrash dhe rrymash. “Poeteka” është themeluar
dhe drejtuar nga poeti Arjan Leka. Numër pas numri këtu e katër vjet më
parë, së bashku me festivalin e poezisë POETEKA që zhvillohet
tradicionalisht në Durrës, e nisi rrugën e saj hapmatur revista me një Këshill
Botues në përbërje të së cilit janë disa nga emrat më të njohur të poezisë
shqiptare, asaj evropiane e më tej si Edoardo Sanguineti, Paul Vinicius,
Xhevahir Spahiu, Olga Sjedakova, Ali Podrimja, Boris Biletiç, Agron Tufa,
Ardian-Christian Kyçyku, Titos Patrikios, Robert Elsie, Romeo Çollaku,
Mira Meksi, Ervin Hatibi, etj. Pas kësaj revista “Poeteka” u bë mbështetje e
sigurt edhe për krijuesit e rinj, të cilët si rregull do t’a kishin vështirë të
bëjnë më pas një libër nëse nuk do të jetë “në lojë” përpjekja për të kaluar
sprovën e leximeve dhe botimeve të para. Arian Leka e ndjen sa e
rëndësishme është dalja në dritë e një krijimtarie të tillë, por di edhe riskun
që ka me lexuesin: “Shkrimtari është një krijesë me nge, i pret puna dhe
rrallë e turbullon dilema nëse do të zgjasë shumë pritja e nëse do të vijë
lexuesi i tij! Ai jeton në rrethin e parë të një Ferri të vetëkrijuar. Për të,
gjithçka mbyllet në mënyrë perfekte atje ku nis, me shkrimin, me tekstin që
mbase mund të mos bëhet kurrë libër, siç edhe mund të mos lexohet kurrë e
të mos përkthehet asnjëherë për lexues hipotetikë apo të largët”, thotë ai.
Kështu që poezia shqipe dhe e përkthyer nga autorë shqiptarw, evropianw e
më tej që botohet në këtë revistë shkakton një gërvishtje të sinqertë në
shqisat e (jo)lexuesit bashkëkohor si ftesw për një lexim më të freskët.
Poezia lexohet tradicionalisht në aktivitetet e POETEKA-s në mjedisin e një
publiku elitar me synim që të mos hidhet mënjanë si “për t’u lexuar më
vonë”.
Leximi ky akt i shenjtë po rrallohet..! “Kuptohet, artet, sidomos letërsia e
sidomos akoma pas iluminizmit, nuk bëjnë më mrekullinë që Krishti bëri
me të verbërit. Tanimë artet janë si gjyslykët, qartësojnë shikimin për ata që
kanë sy dhe që duan të shikojnë...”, pohon Arian Leka. Por këtë vetëdije ka
pasur edhe poeti i shquar shqiptar i 4 shekujve më parë, Pjetër Budi, i cili
mendonte se poezia nuk është për të gjithë dhe nuk iu drejtohet të gjithëve,
179