Revista Haemus nr. 30-32 - Libraria pentru toti

Sorin Chelmu tregon draftin e një manuali ku janë të shkruara të gjitha
rregullat që duhet të repektojnë dhe përmbushin fshatarët për të përfituar
nga fondet kombëtare dhe ato evropiane.
Një shembull ky që tregon se si këshillohen prodhuesit bujqësorë.
Nuk është vetëm ministria dhe organet e specializuara që po edukojnë
fshatarët. Në kanalin e radios shtetërore rumune, Antena Satelor redaktori
përgjegjës i kanalit, Gheorghe Gelmez më përmend programe që realizohen
prej tyre në bashkëpunim me organet e specializuara:
"Krahas informacioneve të dobishme për fshatarët që jepen në buletine nga
ministria përkatëse dhe organizata të tjera të specializuara, Antena Satelor
jep edhe një program të specializuar të përditshëm që titullohet, "Fshat
rumun, fshat evropian", ku trajtohen çështje që lidhen me anëtarësimin në
Bashkimin Evropian, ndërsa në mbrëmje është një program debat po për
këto çështje."
Zhvillimi në rajonin e Banatit
Atje ku tranzicioni ka qënë më i lehtë dhe ku është kuptuar më së miri
potenciali ekonomik i Rumanisë, është rajoni perëndimor i Banatit ku
ndodhet qyteti i Timishoarës, qyteti i katërt për nga madhësia në Rumani.
Prefekti i qytetit të Timisoarës, Ovidiu Draganescu shpejgon se impakti i
Evropës në rajonin e Timishit nuk u ndje shumë, pasi ky rajon ka parë
invenstime të huaja që prej vitit 1992 kryesisht nga Italia, Gjermania,
Austria dhe Franca.
Prefekti i Timishoarës thotë se biznesi i shit-blerjes është rritur
"Forca punëtore ka qënë e punësuar dhe në këtë rajon ne nuk kemi patur
grupe të mëdha njerëzish që të emigronin jashtë pas anëtarësimit në BE."
Prefekti thotë se në procesin e zbatimit të standarteve evropiane, gjysma e
njësive në blegtori mbyllën dyert e tyre pasi nuk i përmbushnin standartet.
Ky ishte impakti i parë. Kjo ndodhi nga që investitorët nuk deshën të
investonin në këto njësi, ndoshta përfitimet ekonomike nuk ishin aq të
mëdha sa të mbulonin kostot, shpejgon zoti Draganescu.
Investimet e mëdha në këtë rajon janë parë në fushën e industrisë dhe
prodhimeve ushqimore.
Në Timish, Alkatel ka pas Parisit qendrën më të madhe, në fushën e
prodhimeve ushqimore, Smithfiled kompania amerikane e mishit që më
parë ishte e vendosur në Poloni, ka mbi katër vjet që është e vendosur këtu.
Por çfarë ndodhi me atë bujq dhe blegtorë që e panë se nuk mund të arrinin
standartet?
"Në Timish, pronar tokash që nuk e shfrytëzojnë tokën për bujqësi apo
blegtori janë në biznesin e shitblerjes së tokave. Shumë njerëz në këtë pjesë
të Rumanisë janë pasuruar duke shitur dhe blerë toka," thotë prefekti
Draganescu.
226