Revista Haemus nr. 30-32 - Libraria pentru toti

ION MUREŞAN
(Rumani)
Poema për poezinë
Poet dhe eseist lindur në vitin 1955 në Vultureni. Ka mbaruar Fakultetin e
Histori-Filozofisë në Universitetin Babes-Bolyai të Kluzh-Napokës. Punoi
për shtatë vjet si mësues në një zonë të thellë, ku njohu përvojën e vetmisë.
Ka debutuar në vitin 1981 me vëllimin Libri i dimrit, pasuar nga Poema që
s’mund të kuptohet. Është i pranishëm në Antologjinë e poetëve të rinj
(1982), në Antologji e poezisë rumune nga fillimet deri sot (1998) dhe në
Antologjia e brezit ‘80”. Mjaft kritikë e cilësojnë si poetin më të madh
rumun të sotëm, një vetëdijë vazhdimisht e zgjuar, që sheh, gjatë ushtrimit
të kthjelltisë së plotë, shfaqjen qesharake dhe të çvlerësuar të jetës.
Mua në gjumë më ngrinë duart,
sepse në gjumë është shumë ftohtë.
Më zgjuan e m’i prenë.
Fli, zogth i mamit, fli!
Mua në gjumë më ngrinë këmbët,
sepse në gjumë është shumë ftohtë.
Më zgjuan e m’i prenë.
Fli, zogth i mamit, fli!
Mua në gjumë më ngriu zemra,
sepse në gjumë është shumë ftohtë.
Më zgjuan e ma shkulën.
Fli, zogth i mamit, fli!
Tani jam i vdekur.
S’do fle më kurrë.
Fli, zogth i mamit, fli!
Ninullë
64