jetzt kostenlos als -->Free-Download - Angerburg

Voarnoame, on ek heet Jurris. „Taugt nix“ - werden Linie
durchbrechen!“ Duert nich lang, keeme angeredde wie de Diewel
äwere Barch de Tartare
, oaber holp nuscht, riede
Rosen sin Foss! Ganz schwitzig on wild, de Saddel undere Buk.
499 . Oberscht kommandeert: „Gabel
einstecken! Hakenbüchs auflegen! Lunte hoch!“ Häst nich
gesehne, es dat Heidevolk am Fleet, schoot onse Landmiliz. Holp
nuscht, ren ent Woater, schwomme rever, kemmt emmer mehr
Volk rop oppe Schanz. Perdkes kleddre wie de Katze - sin all bove
mang onse Landmiliz. Kommandeert Oberscht Rosen: „Paßt op
Hoakeschitz! Lunt-Fier!“ Fulle ok welche
onsre Landmiliz äwre Hupe. Had wi wedder de Hoakebecks
geloade, kommandeert Oberscht: „Rottenfeuer!“ Jeder schoot so
geschwind he kunn. Oaberscht scheet du man! Schootst eenem
dot von de schwarte Diewels, sen an sine Stell 20 andre. Riede op
ons los - on häst nich gesehne, schoot dat Rackertieg de Fiele wie
Hoagel. Doa sullst Mensch geschwind loade! Eener kreech anne
Kopp, eener enne Brost, eener enne Feet. On doa were de Diewels
ok all doa. Wi wehrde sich, wat wi kunne, oaberscht dat jing nich
lang. De Oberscht wer dot, de Hauptlied dot. Ek had eenem Fiel
enne Oarm, on dat linke Been wer mi ganz terschoate.
Wachmeister had e Fiel em Puckel, on de Kopp wer em gespoole.
Leech wi nich wiet ut enander. Keeme emmer mehr von de
verfloakte Tartare, greepe sich de Perd on de Mensche Nu keeme
noch de Pollake met ähre Schnutsboards on stramme Decke. Es e
Wunder, dat se mi nich dot getrampelt häbbe. So leech wi bes
Noameddag. Wachmeister derkrug sich on huckd sich hän, nehm e
Dook, wull sich omme Kopp binde. Seggt ek „Wachmeister, läwt
he noch?“ Seggt he: „ Jurray, verfluchter Schweinshund, komm
her und hilf mir auf!“ Krok ek hän, deed mi sehr weh. „Teh doch
däm Fiel ut dinem Oarm“ seggt he, packt an on reet em rut. „Nu
verbind mir den Kopf“, seggt he. „Deit mi sehr weh, oaberscht
verbind em! “ Nu moakt he sich an mi, reet mi de beide Fiel ut
däm Foot, oaberscht eener broak aff. „Wat moak wi nu?” seggt he,
„goane kenn wi nich, on ligge bliewe ok nich. De niederträchtige
verfloakte Karnalje ward woll bol doa senn on ons dotschloage on
utteene. Probeer doch moal, Jurray, ob Du nich wat to Äte findst.”
Ek krok bi de Dodije. Rechtig, doa fund ek Brod on Worscht - ok
Wien - on broacht em ok. Wi ete. Wat seh wi doa, kemmt
angerennt min Wullensteener, däm dotgeschloagenen Oberscht
499
Die Tataren dienten als Hilfsvölker im Heer des polnischen Königs Johann Kasimir (1648-
1668).
316