A. La corte de Alfonso VIII - Gonzalo de Berceo

Que so qe·m det m'estrai er'e·m desmanda.
Qe·m cosseillatz?
C'a pauc lo cors dinz d'ira no m'abranda,
Tant fort en sui iratz."
II "Per Dieu, Giraut, ies aissi tot a randa
Volers d'amic no·is fai ni no·is garanda;
Car si l'uns faill, l'autre coven que blanda,
Que lor destrix no cresca ni s'espanda.
E s'ela·us ditz d'aut puoich que sia landa,
Vos la·n cresatz,
E plassa vos lo bes e·l mals qu'il manda;
C'aissi seretz amatz."
III "Non puosc mudar que contr'orgoill
non gronda,
Ia siatz vos, donzella, bell'e blonda.
Pauc d'ira·us notz e paucs iois vos aonda,
Mas ies no·n etz primieira
ni segonda.
Et eu qe tem d'est'ira qe·m cofonda,
Vos me lauzatz,
Si·m sent perir, qe·m traga plus vas l'onda!
Mal cuich qe·m capdellatz!"
IV "Si m'enqueretz d'aital razon prionda,
Per Dieu, Giraut, non sai cum vos responda;
Pero si·us par c'ab pauc fos iauzionda:
Mas vuoill pelar mon
prat c'autre·l mi tonda.
Que si·us er'oi del plait far desironda,
Vos esercatz
Cum son bel cors vos esdui'e·us resconda.
Ben par c'om etz cuitatz!"
V "Donzell'oimais non siatz trop parleira!
S'il m'a mentit mais de cent vetz primeira,
Cuidatz
vos doncs q'ieu totztemps l'o sofeira?
Semblaria q'o fezes per nesseira
D'autr'amistat. Ar ai talant qe·us feira
Si no·us calatz;