kulturgileak gizarte mugimenduetan - Euskara

duten arren, kulturgintzaren esparruek, modu metaforikoan behintzat,
botereguneen inguruko espazioak betetzen dituzte. Kulturgileek, ondorioz,
kultura kapitalaren jabetzak emandako pribilegio eta botereen laguntzaz,
kokapen nabarmena erdietsi dute mailaketa sozialean. Haatik, botere
politikoa eta ekonomikoa daukatenen mende egonik, ez dute erabateko
nagusitasuna finkatu. Zinez, kontraesanez betetako posizioa da
kulturgileena. Eskuratu dituzten baliabideen berezitasunak baino ez du
argitzen itxurazko kontraesan hori. Historia modernoan zehar intelektualek
boteredunen zein boteregabeen fabore egin dituzten lerradura politiko eta
sozialak aldakorrak eta anbiguoak izan dira, euren zerbitzu sinbolikoak
borroka sozialetan murgildutako eragile guztiek dituztelako premiazkoak.
Oro har, lekuan lekuko tradizio politikoek eta kulturalek eragin handia izan
dute egindako hautapenetan.
Ildo horretatik, nabarmendu egin beharko genuke kultura unibertsoen
autonomia aldatu egiten dela gizarte berean garai eta gertakari historikoen
arabera, baita gizarte batetik bestera ere. Besteak beste, estatuaren beraren
eraketa historikoaren baldintzak, eta, horrekin batera, egitura sozial eta
ekonomikoaren ezaugarriek modu erabakigarrian eragin dute delako
autonomia horrek hartutako mailan. Halaber, aldakorrak izan dira
kulturgileari tradizio intelektualek aurkeztutako ereduak eta rolak:
intelektual akademiko autonomoa, elite politiko eta ekonomikoei
zerbitzuak eskaintzen dizkien aditua, intelektual mediatikoa eta eraldaketa
proiektuekin konprometituriko intelektual politikoa, intelektualaren
prototipo ezagunenetarikoak ditugu. Guztiak izan dira intelektual
ilustratuaren enborretik sortutako adarrak, haren adierazpen idealak edo
desbideraketak. Kultura esparruaren barruan lehian dauden ikuspegi
normatiboen artean egin diren hautuen ondorioz definitu dira era batera edo
bestera kulturgileak. Beti ere, ereduok hainbat garai eta testuinguru
123