kulturgileak gizarte mugimenduetan - Euskara

menderatze sinbolikoak eraginkorra behar du izan gizakien egintzak aurrez
ikusteko modukoak izan daitezen. Ildo horretatik, gaur egungo menderatze
sinbolikoak tarte handia kendu dio bortxari, bortxa erabat ordezkatu ez
badu ere.
Deskribatu dugun prozesu bera azaltzeko era askotako kontzeptuak
erabili izan dira hizkera soziologikoan, hala nola “boterearen mikrofisika”,
Foucaulten ildoan, edo hertsapenaren lekualdaketa —gizakiengandik kanpo
ezarritako hertsapenetik gizakien barneko hertsapenerako iraganbidea
burutu baita—. Funtsean, baina, gauza berdintsua adierazten dute kontzeptu
horiek hitz desberdinak baliatuz. Laburbilduta esateko, boterea esanahia
sortzen den gune sinbolikoak kontrolpean jartzera iritsi da gizarte
garaikideetan. Bada, barne bereizketa handiko gizarte konplexuetan,
kontrol mekanismoek esanahiak eraikitzen diren egintzaren gune
sinbolikoak urratu dituzte.
Hori dela eta, ez soilik egintza kulturala baizik eta egintza politikoa
bera ere menderatze eredu berrien interpretazioa ahalbidetzen duten kodeen
ezagutzari loturik dago gero eta gehiago. Gaur egungo gizarteetan metatuta
dagoen ezagutza eta informazio multzoa handia da, baina ezagutza
horretarako sarbidea ez da unibertsala. Aitzitik, gizartean mailakaturik
dago. Baliabide sinbolikoen sarbide bereizgarriak baldintzatzen du, hartara,
pentsamendu kritikoaren gaitasuna eta egintza politiko eraginkorraren
ahalmena.
Ingleharten ustez gizarte konplexuetako jarduera politikoak
trebetasun batzuk eskatzen ditu. Haren iritzitan, gizarte modernoetan
arazorik larrienak egoteak ere ez du lortzen gizaki taldeak mobilizatzea,
azken horiek analfabetoak badira edo egoera behartsuan baldin badaude
392