kulturgileak gizarte mugimenduetan - Euskara

estos sectores con la clase obrera y, en general, con las reivindicaciones de
carácter popular y, en este caso, antifranquista, facilitando a no dudar la
asunción de los referentes radicales y utopistas del nuevo corpus ideológico
nacionalista (Rubiralta, 1997: 276).
Bestalde, goi mailako hezkuntza erakundeetatik igaro izanak ideia
eta pentsamendu abangoardistak eskuratzeko prest jarri zituen
protokulturgileak. Horrela, intelektualeria berriaren kontzientzia modernoa,
urbanoa eta abangoardista nazionalismo berriaren eta nazio kulturaren
definizioetan islatu zen, J. Mirak azpimarratzen duen bezala. 247 Hortaz,
nazio kultura berriak kultura urbanoak ziren, nazionalismoak gizarte
propioak nork bere irizpideekin modernizatzeko sorturiko mugimenduak
baitira —ez besteek definitu eta inposaturiko irizpideekin— (Mira,
1985:160).
Jakina denez, estaturik gabeko nazioen elite politiko-kulturalek aurre
egin zioten modernizazio ekonomikoak eta politikoak ezarritako
uniformizazioari. Ildo horretatik, berriz interpretatu zituzten euren kulturen
eduki etnistak eta kultura horien esanahiak eguneratu zituzten baldintza
berrien aurrean. Diskurtso nazionalistetan hain ohikoa den etnizitatearen
erabilera hori ez zen gauza arbitrarioa edo irrazionala izan, zenbaitetan
kritikatu den bezala. Anthony D. Smithek esaten duenaren arabera,
modernizazioak eta industrializazioak sentimendu etnikoak eta mugimendu
nazionalistak sortzen dituzte baldin eta, aldez aurretiko diskriminazio
kulturalak egonik, diskriminazio horiek azkartzen badituzte. Hori gertatzen
247 Joan F. Mirak —aldaketa sozialekin batera— ezinbestekotat jotzen du elite
intelektualen partaidetza nazionalismo berrien sorreran: L´aparició, en aquest estat de
canvi, d´elits intel·lectuals i politiques que es consideren intèrprets de l´autenticitat
amenaçada, i que es consideren alhora privades de poder i d´influencia sobre el propi
àmbit nacional pel fet d´estar aquest subordinat a un altre. Elite horien berezko tokia
hiria da, gune urbanoa. Mundu urbanoa izanik —fisikoki edo metaforikoki— eliteen
egintza gunea, haiek lantzen duten kultura nazional berria ere urbanoa da (Mira, 1985:
159).
507