kulturgileak gizarte mugimenduetan - Euskara

legitimitatea transferitzen diete sortutako interpretazioei, alegia, gizarte
mugimenduen interpretazioei. Horrela, korronte teoriko batzuek bestelako
baliabideak nabarmendu badituzte ere, gure ustetan baliabide intelektualak
—giza baliabide mota berezi modura— ezinbestekoak dira gizarte
mugimenduen jardueran, batik bat, Beranduko Modernitateko baldintza
kognitiboetan, mugimendu horiek indarrean dauden kultura kodeak
zalantzatan jarri nahi badituzte.
Los intelectuales (…), ocupados profesionalmente en la producción de ideas o en
la manipulación de símbolos, tienen un papel central en la emisión de
significaciones y definiciones. Son ellos principalmente los que acuñan los
términos que conforman las diferentes visiones de las realidades sociales.
Concretamente, los intelectuales vinculados a las organizaciones de los
movimientos sociales están interesados en movilizar a los individuos bajo la
perspectiva por ellos marcada, articulando las necesidades más compartidas y
construyendo —mediante discursos, artículos en prensa y libros— identidades
colectivas (Cruz, 1997: 21).
Jakina da elite politiko eta mediatikoekin batera, kulturaren
profesionalek errealitatearen interpretazioak sortzeko eta zabaltzeko
ahalmen bereizgarria agertzen dutela gizarte garaikideetan, batetik,
ahalmen hori aginte sozialez hornituta dagoelako eta, bestetik, esparru
publikoan burutzen delako. Hori horrela izanik, gaurko gizarte
mugimenduen jardueran eraikitzen diren definizioak eta mundu
interpretazioak ezin dira, inondik ere, aktore horien eraginetik kanpo ulertu.
Hartara, Beranduko Modernitateko kulturgileek ere, intelektualaren
funtzioan arituz, agertoki ezinhobea atzeman dute gizarte mugimendu
berrietan ideia ekoizle eta sinbolo manipulatzaile modura euren ohiko
zereginak betetzeko.
381