kulturgileak gizarte mugimenduetan - Euskara

lo que importa es cómo se valora “por los dominados” carismáticos (Weber,
1979: 193).
Halatan, Weberrek ezin du zehaztu zer indar motaren gainean datzan
karisma, non dagoen zehatz-mehatz haren jatorria. Era berean, kapital
sinbolikoa, hots, bere jabeari besteen gaineko agintea ematen dion
baliabidea, edozein ezaugarritan funtsaturik agertu dakiguke: indar fisikoa,
aberastasuna, ausardia edo ezagutza jakin bat izan daitezke haren
euskarriak. Halarik ere, nolakotasun hori sinbolikoki eraginkor bihurtzen
da —lehen adierazi den bezala, indar magiko modura jarduten du— baldin
eta eragile sozialek hura ezagutzeko hautemate eta balorazio kategoriak
badituzte. Baldintza hori bermatzen denean, ezaugarri jakin bat kualitate
baliotsu gisara jasotzen eta hautematen da. Izan ere, itxaropen kolektiboei
erantzuten die ezaugarri horrek, hau da, partekaturiko sinesteei; hortik
dator, hain zuzen ere, aintzatespenaren garrantzia. Weberrek karismaz ari
dela gogorarazten digun moduan:
Sobre la validez del carisma decide el reconocimiento (…) por parte de los
dominados (Weber, 1979: 194).
Hain zuzen ere, karismaren parekoak dira ahalmen sinboliko guztiak.
Gizarte baliabide batek eraginkortasun sinbolikoa eskuratzen du baldin eta
pertzepzio kategoria batzuen bidez hautemana bada eta bere logika
espezifikoan ezagutua bada. Pertzepzio horrek, haatik, delako kualitatearen
balioaren arbitrariotasuna estaltzen du. Beste era batera adierazita, gizarte
baliabide jakin baten indar sinbolikoa sinesmenean baino ez datza,
sinesteak ez beste ezerk ematen baitio balioa, eta sinesteak ezkutatzen baitu
haren izaera arbitrarioa. Horixe bera da intelektualen edo kulturgileen
eragin sinbolikoaren ezkutuko indarra ere.
167