kulturgileak gizarte mugimenduetan - Euskara

zituzten arazoak konpontzeko. Eta bestea zan egunkariarena… Helduen
euskalduntzean bezela, urte batzuk lehenago, ba bi proiektu zeuden, nola ez,
bata instituzionala, bestea ez…. Hain gutxi gera, ez da saltzen nahiko egunkari,
baino egingo ditugu. Eta orduan bueno, hori ere, ez dakit askatu, bueno bai, ba
beste bide bat hartu zuen eta, bueno, ba elkar onartze batzuk egin ziran eta
orduan, ba bueno, nik uste det 90. urtean zai gaude, ezta? Egoera politikoarekin
ere lotuta. Ematen du bestela, horrek askatu egiten duela beste guztia, ta nik
uste det lortu degula ta oraindik asko falta zaigula, ez? Lortu degula esan nahi
dizut hizkuntzaren berreskurapena alderdikerietatik kentzen; parentesi bat egin
behar da, alderdiek zeregin handia daukate hizuntzaren berreskurapenean, eh?
Baino ez norberaren protagonismotzat hartuz (…) Alderdikerietatik kenduta
gauza asko lortu da. Lortu da diskurtso horiek pixka bat…, diskurtso eta
praktika horiek bereiztea (…) Eta bueno, hor aurrerapausoak eman ziran baino
ez erabatekoak, ta hor 90. hamarkadan nabarmenduz, ja hasieran, oso argi
dago, oso bisuala da, egoera baretzen zanean, harreman instituzional eta
gizarte mugimenduarenak positiboagoak eta sinergia gehiago lortzen ziran (5.
Elkarrizketa).
Bestalde, aurreko garaiko diskurtso politikoaren barruan hizkuntzari
egotzi zitzaion balio politiko-sinbolikoaren ondoan, hizkuntza erabileraren
garrantzia azpimarratzen zuen diskurtso berriak. Hizkuntzari ezin baitzaio
ikur gisa sinbolikoki eutsi, hura ez bada birsortzen eguneroko bizitzan
garatzen diren mintzamen egintzetan. Hortaz, diskurtso berriaren arabera ez
zen nahikoa atxikimendu sinbolikoa, hiztun gisa burututako praktika baino.
Horiek horrela, erreferentzi marko berrian ezagutzatik erabilerara eta
corpusetik estatuserako jauzia egin zuen mugimenduak hizkuntzari
dagokionez. Ildo horretan, mintzamen egintzak gauzatzen diren gune
pribilegiatuak jaso zuten mugimenduaren egintza kolektiboaren arreta: hain
zuzen ere, mintzamen egintza horiek gizakien egunerokotasuneko
bizitzarekin batera burutzen dira, hiztunaren harreman sozialak
hezurmamitzen diren guneetan. Hartara, hiztunaren bizileku hurbila, herria,
izan zen harrezkero euskalgintzarentzat hizkuntza berreskurapenaren
barrutia, mintzatzaileak bertan burutzen baitu eguneroko bizitza. Herria
hiztunen elkarrekintza gunea izanik, euskara elkarteentzat hizkuntza arau
625