kulturgileak gizarte mugimenduetan - Euskara

halabeharrez barneratutako mugimendu intelektualaren irudikapena
aurkitzen dugu. Intelektual eredu horren barnean, unibertsitateko hertsapen
instituzionalen gainetik dagoen euskalgintza eta euskal kulturari buruzko
konpromiso sendoa adierazten da. Mugimendu intelektualaren atxikimendu
horrek zentzua ematen dio lan intelektualari eta zuzendu egiten du haren
ildoa, nonahi burutzen dela eginkizun kulturala, nola mugimenduan hala
unibertsitatean. Mendeko egoeratik eta bizipenetatik sortutako habitusak,
hartara, militantziari lotuta utzi du euskal kulturan burututako lan
intelektuala, bai hasiera batean mugimenduan egindakoa bai gero
unibertsitatean garatutakoa.
(…) nik pentsatzen dut pertsona osotuago egiteko eta ingurune gertuetan
murgilduta egotea unibertsitarioei eskatu behar zaien gauzetariko bat da.
Ikertzailea baldin bada ere bere ikerketen berri emateko atera laborategitik eta
hedakuntza ekimenetan parte hartu eta herriz herri ibili eta… Nik uste beraz
hori ona dela nahiz eta ikertzailearentzat kriston zama suposatu. Baina berak
landutakoa ibiltzen denean, fisikan edo nanoteknologiari buruzko ezagupideak
gizarteratzea, hori unibertsitarioen funtzioa berezkoa da. Euskaraz arituz
berdin. Gero, herrigintzan jardun eta euskararen hizkuntza komunitatearen
eraketa konpromisoa hartu, ba hor bai ikusten dut egon daitekeela hautua.
Zama dela? Dudarik ez. Goxoago baino mingotsa dela? Dudarik ez daukat.
Baina, asko ikasten da. Orduan, ikuspegi horretatik nik hautua egina daukat eta
damurik ez daukat, nekea askotan. Oso nekagarria da. Baina nik nire
lanbidearekin uztargarria eta uztartua ikusten dut, eta orduan naturaltasunez,
horrela jardun maila akademikoan eta hori egin …. Beste batzuk egiten dute
beste horrenbeste beste alorretan baina beste izen bat emango diote. Idazten
duen unibertsitarioa eta ez dakit nongo elkartean erroldatuta dagoena, eta
askotan ez dakit ba ekologian edo gobernuz kanpoko erakunde batean, horrek
denak dira merituak. Eta gurean, berriz, demerituak, ezta? Bueno, ba, eraman
behar izaten da, nekeak eta abar. Gero, demerituak direlako testuinguru batean,
hor bai behar dela konpromiso hori ondo ulertzea. Beti zerbaiten hobe beharrez,
ni behintzat horretan sinestuta nago, zerbaiten hobe beharrez eta ez ezeren
kontra, baizik eta zerbait ekarri, eraikitzeko eta emateko. Eta ez dagoen zerbait
desegiteko edo zerbaiten kontra jarduteko. Nik ez daukat holako sentipenik eta
pentsamolderik. Bueno [uste dut] hor badagoela lan esparru zabal bat oso
aberasgarria izan daitekeena, baina, bai, oso gogorra. Eta oso gogorra den
neurrian, nik jendeari errespetu osoa zor diot eta bakoitzak ikusiko du parte
hartzen duen eginkizun horietan edo ez duen parte hartzen (8. Elkarrizketa).
660