kulturgileak gizarte mugimenduetan - Euskara

adut Kontseiluaren sorreran, ni kulturgile, ni ez naiz kudeatzaile bat, ni
kulturgilea izan naz, ez? Eta, bueno, ni ere hor egon nintzen, egia da. Utzidazu
pentsatzen, idazleak? Bueno, beste batzuk ere bai, ez? Baina, gehiago, pisu
gehiago izan zuten kudeatzaileek, ez? Zentzu horretan apur bat nik egin
dezakedan kritika bat da euskal kulturgileek azken pare bat hamarkadatan, edo
igual gehiago, nik espero nuena baino aportazio gutxiago egin dutela, aportazio
intelektual gutxiago (…) Nik bota izan dut faltan…, nik uste det kulturgileek
aportatu beharko luketela apur bat gehiago bisio aldetik, ez? Bisio aldetik (…)
Nora joan nahi dugu (…) zer harreman eredu botere publikoekin, herriarekin…,
baina ez dut uste kulturan, oro har, hori egin dugunik, hori egin dutenik
(Sarasua 14-15).
Baina, hizkuntzaren alorreko burokratizazioak, mugimenduaren
barnean ez ezik administrazio autonomikoaren sorkuntzan ere izan zuen
bere adierazpenik agerikoena. Arestian aipatu denez, botere
autonomikoaren eraketak instituzionalizazio eta burokratizazio prozesua
ekarri zuen berarekin batera, baita ofizialdu berri zen hizkuntza
minorizatuaren esparrura ere. Beste esparru batzuetan gertatu bezala,
ordura arte gizarte ekimenez eta mugimendu ekimenez egindakoa,
administrazioak hartu nahi izan zuen bere gain. Halatan, osatu bezain
laster, botere horrek eskuduntza berriak bereganatu eta aplikatu zituen,
besteak beste, hizkuntza politikari zegozkionak. Modu horretan sortu ziren
administrazio autonomikoan nahiz udal administrazioetan euskararen
normalizazioaz arduratu ziren euskara zerbitzuak. Bulego tekniko horiek
zuzentzeko azken erantzukizuna politikarien eskuetan zegoen —eta
dagoen— arren, de facto, profesional berrien baitan geratu da
harrezkeroztik lan tekniko guztia: hain zuzen ere, euskara teknikariak izan
dira —euskara irakasleekin batera— euskararen munduaren
profesionalizazioaren eredurik arketipikoena. Eurengan jarriko dugu, beraz,
gure arreta, mugimendutik sortutako tradizio tekniko baten hastapenak
irudikatzen dituztelako modurik nabarmenenean.
Dena den, ondorengo elkarrizketatuak nabarmentzen duen bezala,
zehaztu beharra dago bai hizkuntza normalizazioaren esparruan burututako
663