kulturgileak gizarte mugimenduetan - Euskara

desberdintasun, mugimenduaren entzuleria osatzeko gaitasuna onartzen
zaie behatzaileei, alegia, mugimenduaren jarraitzaileen mezuak jasotzeko
prestasuna.
Audientzien identifikazio prozesuak bidea ematen die
mugimenduetako eragileei behatzaileengan oihartzuna izan dezaketen
interpretazio markoak definitzeko. Izan ere, erabaki egin beharko da
mugimenduaren barnean zer nolako “froga” eta arrazoibideak erabili
entzuleriaren aurrean mugimenduaren eskariak legitimatzeko eta zelan
baliatu haien kultura sinboloak eskari horiek bultzatzeko. Hartara,
entzuleriari egotzitako nortasunek ere eragin nabarmena daukate
mugimenduaren estrategia eta taktiken lanketan.
2.4. Arazo sozialen definizioak: prozesu gatazkatsuak mugimenduaren
esparruan
“Interpretazio markoen” ikuspegia, zalantzarik gabe, ekarpen
interesgarria izan da gizarte mugimenduen azterketaren arloan. Izan ere,
frame analysiak agerian utzi du, egiturazko faktore objektiboez gain,
egoeraz egiten den definizioak mugimenduaren sorrerarako eta eraketarako
daukan garrantzia, batik bat indarrean dagoen ordena sinboliko-kulturala
beste era batera ulertzeko saioak egiten direnean. Markoen azterketak
sinesteen eta ideien ekoizpenaren fenomenoan jartzen du arreta bereziki,
faktore soziopolitiko soiletan jarri ordez. Ekarpen horren ondorioz, gaur
372