kulturgileak gizarte mugimenduetan - Euskara

sozialaren berme bihurtzen dira. Horrenbestez, esparru intelektualetik at
dauden kontsakrazio botereen hazkundea halabeharrez islatzen da kultura
esparruaren barruko instituzioen artean gertatutako oreka aldaketan.
1.3. Agertoki instituzionalak
Hace mucho tiempo que los intelectuales están con nosotros, pero es en la
modernidad donde se encuentran en una posición relativamente estable en
instituciones culturales independientes (Goldfarb, 2000: 251).
Orain arte adierazi den moduan, kulturgileek era askotako
kokaguneak dauzkate kulturaren munduan, esparruan bertan edo kanpoan
metatutako kapitalaren arabera. Kokapenaren eta baliabideen kalitatea eta
izaera kultura ekoizlearen lanean inplikatutako erakundeei lotuta azaltzen
dira gehienetan. Erakundeak ere, gizakiak bezalaxe, hierarkiazko eta
boterezko harremanetan txertaturik egon ohi dira. Halatan, harreman
horietan duten estatutuak eragina izan ohi du beraien barnean diharduten
kulturgileengan. Bestalde, gizarte esparruak definitzen du, batik bat,
jarduera intelektualaren ahalbideen gune gisa jokatzen duen marko
instituzional orokorra.
Gizarte sistema modernoen gero eta konplexotasun handiagoak
jarduera intelektualen garapenerako egokiak diren agertoki instituzionalen
hazkundea sortu du. Dena den, testuinguru insituzionalak eta haiei lotutako
tradizio intelektualak aldatu egin dira denboran zehar. Ikuspegi historiko
batetik abiatuta ikusi daiteke lan intelektuala barnean hartu duten
erakundeak era askotakoak izan direla Modernitatearen hastapenetatik
hona. Ildo horretan, L. Coserrek zortzi agertoki instituzional moderno
aztertzen ditu zehatz-mehatz Frantzia, Ingalaterra eta Estatu Batuetako
213