kulturgileak gizarte mugimenduetan - Euskara

politikoa erabat murrizten zuen kultura politikoa nagusitu zen. Horrela,
gaur egunera arte iraun duten politikari buruzko axolagabetasuna eta
bizimodu pribatistak hedatu ziren gizartean. Hala, despolitizazioaren eta
pribatismoaren aldeko indarrak azken urteetan garaturiko kultura
politikoaren ezaugarri direla esan daiteke. Haatik, gaur egun agertu diren
joerak aztertu ondoren, uste dugu despolitizazio iragarpenak ezeztatzen ez
badira ere, zehaztu behintzat egin behar direla. Izan ere, gizakien
atzeraegite politikoaren frogatzat edo bizitza pribatu apolitikoaren
goraipamentzat jo dena ulertu daiteke, gure iritziz, egungo esparru
politikoak bizi duen egokitzapen modura ere. Itxurazko atzeraegiteak,
ikuspegi horretatik, politikaren dimentsio berriaren moldaera adierazten du.
Ildo horretatik, politikaren atzerakada lekualdatze bat besterik ez da,
gizartean —ohiko esparru politikotik kanpo ere— zentzu politikoa
eskuratzen duten beste jarduera eta nortasun gune batzuk sortzen baitira
etengabe. Beckek “azpipolitika” deritzonaren esparruak dira jarduera-gune
berri horiek (Beck, 1997, 1998). Azpipolitika delakoa bat dator gehienetan
politikagintza ez instituzionalarekin, politikagintza “ez ofizialarekin”,
azken batean, eskuarki politiko modura definitu ez diren jarduera alorrekin.
Cualquiera que contempla la política desde arriba (…) está pasando por alto la
autoorganización de lo político, que, potencialmente al menos, puede poner en
marcha “subpolíticamente” numerosos campos de la sociedad, incluso todos
sus campos (Beck, 1997: 33).
Hainbat adieratan “politika berria”, “politika erreflexiboa”, “bizitza
politika” edo “azpipolitika” modura ezagutu izan den gizarte egintzak,
beraz, hasiera batean ez politikoak ziruditen jarduera eremuak
bereganatzeko joera agertzen du. Hori egitean, birpolitizatu egiten ditu
eremuok, eta haiei zentzu berria egozten die.
309