kulturgileak gizarte mugimenduetan - Euskara

orekatu dute politikarien erantzukizun eza. Hartara, bi tradizioetako
kulturgileek euskal kulturarako atxikimenduarekin eta konpromisoaren
ideiarekin bete dituzte unibertsitate esparruaren nahiz administrazio
esparruaren ekonomia sinbolikoan —hizkuntza ikuspegitik— balio
gutxikoak ziren jarduerak. Bestela adierazita, ohiko mugimendu
intelektualari atxikita doazen disposizioen jabe dira mugimenduz kanpoko
testuinguru instituzionaletan euskararen aldeko lana egiten duten
kulturgileak ere. Hala, euskararen egoera normalizatzen ez den bitartean,
mendeko bizipenetatik sortutako habitusa ezinbestean itsatsiko zaio euskal
kulturan burututako lanari, zeinahi instituziotan egiten dela lan hori. Beraz,
egia da, alde batetik, profesionalizazioak eta gizarte aldaketek
militantziaren jaitsiera eragin dutela, eta, ildo horretatik tradizio intelektual
gero eta profesionalizatuagoak sortzeko aukerak daudela baina, beste alde
batetik, horrekin batera ezin da ukatu euskaraz ari diren kulturgileek
mendekotasunezko esperientzietan sortutako habitus espezifiko bat
daukatela. Hizkuntzaren mendekotasun sinbolikoa abiapuntu hartuta,
habitusa osatzen duen disposizio multzoak uztartu egiten ditu lan kulturala
eta hiztun komunitateari buruzko konpromisoa, eta hurbildu egiten ditu
edozein mota eta lanbidetako kulturgileak mugimendu intelektualaren
figurara. Ildo beretik, nabarmentzekoa da elkarrizketatuen autopertzepzioan
nagusitu den ideala intelektual engaiatuarena izan dela.
689