kulturgileak gizarte mugimenduetan - Euskara

nagusiaren aldaketarako laborategi sozial bihurtu zen bertan garatzen den
eguneroko bizitza. Hala, tokian tokiko taldeek eguneroko elkarrekintza
sareetan eragina izateko ahaleginetan hasi ziren, “hitzarmenen” formula eta
beste batzuk erabiliz.
Ildo berean, bigarren jauzi bat ere nabarmentzen da euskalgintzak
sortutako erreferentzi marko berrian: hain zuzen ere, mugimenduaren
egitasmoa makroproiektuetatik egunerokotasunaren mikroesparruetara
jaitsi zen, handixek abiatzeko tokian tokiko euskaldungoaren
artikulaziorantz eta batasunerantz. Izan ere, interpretazio horren arabera,
hizkuntzaren normalizazioaren erantzukizun nagusia hiztun komunitateari
dagokio (paradoxikoki, areriorik gabeko mugimendua dugu 308 ).
Horrenbestez, hizkuntza komunitatea da, egintza kolektiboaren bitartez,
hizkuntzaren egoeraren ardura hartu behar duena. Ez da aski instituzio
politikoen interbentzioa; normalizazioaren lehen urratsak emateko
aurrebaldintza, euskaldungoa trinkotzea eta kontzientziatzea da,
euskaldunen komunitatea artikulatzea eta eraikitzea. Tokian tokiko
harreman xumeetatik hasiz. Tokian tokiko komunitateak osatuz. Euskarari
eta euskalgintzari esparru politikotik aparteko autonomia aitortuz.
Nik uste eragin…, ekarpen printzipala Txepetxena. Txepetxen kasua kuriosoa
da, nolabait izan dalako, zelabait, diskurtso bat ez dana inoiz aitortu, behar
bada Txepetxen zirkunstantzia pertsonalagatik, bera ez izatea euskal herritarra
eta, nolabait, euskal herritartutako pertsona bat izatea eta, bueno, eta beste
arrazoi konpleju batzuengatik igual aitortu zaiona baino eragin gehiago eduki
du modu inplizituan, ez? Txepetxek. Eta nik uste dut bere diskurtsoa oso
diskurtso sendoa izan dala, eta ikusarazi duela beti apur bat euskalgintzaren
autonomia eta estrategia propio baten beharra, ez? Eta nik uste horrek eragin
308 Interpretazio marko berriak irudikatzen zuen aurkaritzarik gabeko mugimenduak
aurreko aukera politikorako egitura hertsia gainditu nahi zuen. Egitura berriak, berriz,
administrazio erakundeekin —bereziki udal mailako euskara zerbitzuekin— lankidetza
eta erakunde horietatik jasotako finantzaketa publikoa ahalbidetu behar zuen
mugimenduarentzat —hau da, jadanik haren eragile nagusi ziren euskara
elkarteentzat—.
626