kulturgileak gizarte mugimenduetan - Euskara

unibertsitatean. Unibertsitatean ari diren akademikoen hasierako
prestakuntza ere handik kanpo lortutakoa da sarritan —adibidez, UEU eta
antzeko euskalgintzako sozializazio guneetan—. Euskalgintzako gune
horien jarraipenak aukera eman die akademikoei unibertsitate ofizioetatik
at jardun kulturala zabaltzeko: euskarazko argitalpenak, ikastaroak, eta
abar baliatu dituzte, hain zuzen ere. Zenbaiten iritziz, euskal kulturgileen
kontsakrazioa Euskal Herriko unibertsitateen esparru barruan ez da existitu
gaur egunera arte. Hori horrela izanda, bat baino gehiago kontziente da
euskarazko curriculum profesionala garatzeak desabantaila besterik ez
dakarkiola karrera akademikoan.
Eta gero gertatu da askok eta askok bere etxean, unibersidade ofizialean egin ez
zezaketen hainbat gauza egin ahal izateko UEUren zera hori hor euki dutela.
Eta hor formatu dira. Eta gure unibersidaderako irakasle asko. Eta hori uste dot
izan dela eta jarraitu duela izaten gainera hurrengo baterako harrobia (…) Uste
dot [UEUk] oso rol inportantea euki duela (…) Eta euskal materialen
topaketekin (10. Elkarrizketa).
Hemen itzal dexente bat lortzera iritsi den guztia ba unibertsitatetik kanpo izan
da eta, gehien bat, itzal handirik ere ez da lortu Euskal Herriko gizartean (…)
Salbuespen batzuk, bueno, Mitxelena bat edo Txillardegi bat edo… baina nik
uste dut Txillardegi bera unibertsitatetik kanpo izan da ospetsuagoa edo
unibertsitatean bertan baino, esandakoagatik: unibertsitateak ez du
gizartearekiko sentsibilitaterik, berdin euskalgintzan edo beste arlotan…, bueno,
guk, gizarte zientzietatik begiratuta, esan bezela ez dakit ingenieritza edo osasun
ikasketak nola ibiliko diren (…) Oso komunitate diferenteak daudela
hizkuntzaren ikuspuntutik, ezta? Euskeraren inguruan mugitzen direnak (…) Eta
ja erdaldunak, bueno, ba horiek salbuespenak daude, batzuk euskaltzaleak
direlako eta, bueno, ba jantzita daudelako neurri batean, baina, gehien bat,
intelektual edo, bueno, kulturgile batek lortu duen errekonozimendu hori
unibertsitatetik kanpo izan behar du. Unibertsitatean bere lan ildoak, segurasko,
oztopoak baino ez ditu eduki (…) Ordun, nik askotan pentsatu izan dut estatuko
curriculum unibertsitario bat lantzea. Ba, ez nahiago dut euskeraz lan egitea…
Kriston argitalpenak eta ez egitea, egin dezakedan ekarpena beste maila batean
egitea, nahiz eta horrek guztiak curriculum akademikorako kontatzen ez duen.
Baina, bueno, zorionez edo ez dut horren premiarik, ezta? Baina gogoeta hori
egiterakoan oso kontzientea nintzen unibertsitatea ez dela bat etortzen
kulturgileek behar duten errekonozimendu horrekin (3. Elkarrizketa).
657