kulturgileak gizarte mugimenduetan - Euskara

historiaren ideia. Horiexek izan ziren, baina, intelektual ilustratua
arrazoiaren eragile modura goratu zuten sinesteak gizartean, horiexek ez
besterik kulturgintza esparrua “egia” zientifikoaren ekoizpen gune, iritzi
politikoaren iturri intelektual eta gustu estetikoaren arau-emaile bilakatu
zuten usteak. Horrexegatik, gero eta gehiago antzematen da esparru
intelektuala orain arteko agintearen oinarriak galtzeko zorian dagoela
Beranduko Modernitateko gizarteetan.
5.1.2. Esparru politikoa: zatiketa eta emantzipazio ideologien amaiera
Dena den, ezagutza legitimoen ekoizpen munduan baino haratago ere
sortu ditu ondorioak Ilustrazioak definituriko arrazoi unibertsalaren
porrotak. Izatez, gizartearen eta bere gobernuaren eraikuntza razionalaren
ahalbidea zalantzatan jartzen duen kultura ikusmoldea ekarri du berarekin
batera proiektu modernoaren gainbeherak. Bestela adierazita, arrazoia eta
emantzipazioa, arrazoia eta gizateriaren askapena, arrazoia eta gizarte
eraldaketa uztartzen zituen lotura ilustratua hautsi egin da zeharo gure garai
hauetan. Arlo horretan ere, ahuldu egin dira ordena burges modernoan
gizarte eraldaketari lotutako egitasmo politikoetan intelektualak erdietsi
zuen lidergo morala. Horrek guztiak eragin berezia izan du aldaketa
sozialarekin eta emantzipazio ahaleginekin engaiaturiko intelektual
ilustratuaren tradizioan, tradizio hori kinka larrian jarri baita dagoeneko.
XX. mendearen azken aldian, gerra hotzaren amaieraren ondoren,
nola edo halako emantzipazio proiektuen eroaleak izan ziren tradizio
politiko moderno handiak gainbehera prozesuan sartu dira. 122 Ezkerreko eta
122 Komunismoaren eta antikomunismoaren desagerpenak eta Ongizateko Estatuen
erorketak ahuldu egin dituzte ohiko ideologia politikoen oinarriak; halatan,
liberalismoa, kontserbadurismoa eta sozialismoaren tradizio politiko modernoak, alegia,
302