kulturgileak gizarte mugimenduetan - Euskara

zuzendurik dauden errealitatearen interpretazio markoak eraikitzen dituzte.
Horretarako, baliabide kognitibo garrantzitsuak baliatzen dituzte. Ildo
berean, mugimendu esparruan tradizio askotako kulturgileak —
unibertsitate akademikoak, adituak eta mugimenduetan sortutako
berariazko intelektualak— gizartean eskuragarri diren ezagutzak moldatzen
eta erabiltzen ahalegintzen dira mugimenduen alde. Horrela, ezagutza
zientifikoak, ezagutza berezituak eta sen oneko ezagutza jorratuz, mundu
ikusmolde alternatiboak sortzeko oinarri sinbolikoak lantzen dituzte,
mugimenduek gizartean ahalik eta legitimazio handiena lor dezaten. Izan
ere, zenbat eta baliabide kognitibo aintzatetsiagoak eta landuagoak erabili
gizarte definizioetan hainbat eta aukera gehiago izan ohi dute
mugimenduek lehia sinbolikoetan definizio sozial arrakastatsuak erdiesteko
eta sen oneko ezagutza gizartean hedatzeko. Era berean, zenbat eta
handiagoa izan eraikuntza sinbolikoan parte hartzen duten kulturgileen
ospea eta kontsakrazioa hainbat eta balio handiagoa eransten zaie euren
lanei eta, ondorioz, mugimenduek berenganatzen duten sinesgarritasun
sozialaren mailari.
Kulturgilearen lan kognitiboa eta mugimenduen egintza politikoa
ezin dira bata bestea gabe ulertu gaur egun. Mugimenduek burutzen
dituzten mobilizazioek eta egintzek erabakiak, intentzioak, orientazioak eta
esanahiak hartzen dituzte barnean; horien guztien artean, euren balio
sinbolikoagatik, eragin handia izan ohi dute kulturgileek egindako
ekarpenek, kulturgileen jatorrizko lanketak multzo horretan itzulita,
moldatuta eta itxuraldatuta agertzen badira ere. Halaber, mugimenduek
buruturiko egintzak kulturgileen aztergai bilakatu dira ezagutzaren
gizartean. Ikusten dugunez, horrelako gogoeta erreflexiboek berriz ere
hasiera ematen diote ezagutza/egintza prozesuari. Azken urrats horren
427