kulturgileak gizarte mugimenduetan - Euskara

era bereiztezinean kognitiboak eta politikoak 70 izan ohi dira. Borroka
sinbolikoetan gizarte eragileek irudikapen jakinen ezarpenaren alde egiten
dute, eurentzako mesedegarrienak izan daitezkeen gizarte errealitatearen
printzipioak ezarri nahi baitituzte arau legitimo modura. Hartara, borroka
kognitiboaren xedea izaten da mundu sozialaren zentzuaren ezagutza
legitimoa inposatzeko agintaritza lortzea, mundu horren oraingo esanahia
nahiz etorkizuneko norabidea zuzendu ahal izateko. Zeregin horretan,
izatez helburu politikoetara orientaturik ez badaude ere, kulturgintza
esparruek baliabide egokiak eraikitzen dituzte gizarte errealitatea egin eta
ebaluatu ditzaketen printzipioak sortzeko. Kulturgileak, modu askotan,
mota horretako baliabideen jabe izan ohi dira.
Horrenbestez, ezagutzaren gizartea deritzan honetan, gizarte taldeak,
gizarte mugimenduak, baita gizarte agintariak ere, etengabe baliatzen dira
zientziaz eta ezagutza adituaz euren diskurtsoak eta egintzak legitimatzeko.
Mundu sozialaren barruan gero eta eragile gehiagok erabiltzen dituzte
jakintza aditu eta zientifikoak gizarte errealitateari buruzko irudikapenen-
sortze lanean, eraginkortasun sozial eta politiko handiagoa lortzeko
xedearekin. Zenbaitetan, lan horiek indarrean dagoen ordena mantentzera
zuzendurik egon ohi dira; beste zenbaitetan, ordena iraultzea eta hautemate
kategoriak eraldatzea izaten da helburua. Baina, azken asmoa edozein
izanda, ezagutza legitimatuaren erabileran erreparatu orduko botere
sozialaren auziarekin egin dugula topo ohartzen gara. Hala, gizarte
errealitatearen pertzepzio- eta ebaluaketa-eskemei buruzko norgehiagoka
atzematen da ezagutzaren erabilera guztietan, mundu ikuskera ezartzen
70 Testuinguru horretan gatazka politikoa ez da ulertu behar ohizko zentzuan, hau da,
hizkera arruntean erabiltzen den zentzuan: gobernu erakundeen kontrola lortzeko asmoz
burututako eztabaida alderdikoi gisa. Ez gara mintzo joko politiko konbentzionalaz,
gizarte errealitatearen definizio legitimoari buruz etengabe gauzatzen diren eztabaida
kognitiboez baizik. Eztabaida horiek izan izaten dute adierazpen “politikoa” ere, baina
ez dira, inondik inora, esparru politiko konbentzionalean agortzen.
186