kulturgileak gizarte mugimenduetan - Euskara

Hala, gai eta eraketa forma berriak sartu dira politikagintzan, baita
oldarka sartu ere. Eraberritze horretan sakoneko kultura eraldaketa,
zehazkiago, balio aldaketa sumatzen dute batzuek. Ingleharten ustetan,
balio postmaterialistek ezaugarritzen dute azken urteotako politikaren
norabidea (Inglehart, 1977, 1991, 1992). Teoria postmaterialistaren
arabera, azken urteotako gatazka politikoa ez zaio egokitzen klaseen arteko
ohiko lehiari. Horrek ez du esan nahi jadanik gatazkak oinarri ideologikorik
ez duenik. Baina, gizarte banaketaren ildoak ez datoz dagoeneko bat
ezkerra eta eskuinaren etiketekin. Aldiz, klase sozialarekin baino lotuago
daude arazo zehatzekin eta balio sistema desberdinekin. Hartara,
belaunaldien arteko aldaketa gertatu da balioei dagokienez: belaunaldi
gazteenek balio postmaterialisten arabera jokatzen dute, autoerrealizazioa
eta nortasuna abiaburu hartuz, eta belaunaldi zaharragoek ohiko balio
materialistetan, hau da, segurtasun ekonomikoan eta materialean, aurkitzen
dute euren jardueraren funtsa.
La gran mayoría de sus poblaciones [en las sociedades indutriales adelantadas]
no viven en condiciones de hambre e inseguridad económica. Esto parece haber
provocado un cambio gradual hacia situaciones en que destacan más las
necesidades de pertenencia a una comunidad, de estima y de satisfacción
intelectual y estética. La difusión de valores postmaterialistas se fomentaría en
los períodos prolongados de gran prosperidad (Inglehart, 1992: 77).
Gai eta balio politikoen errepertorio berriak esparru politikoaren
mugarrien birdefinizioa eragin du. Bestela adierazita, politikotzat hartzen
denaren bestelako irakurketa ekarri du. Ongizateko Estatuaren garaiko
politikagintza aztertu zuten hainbat autorek nabarmendu zuten
despolitizazio prozesuak gertatzen ari zirela ongizateko gizarteetako
sistema politikoetan. Izan ere, demokrazia ordezkatzailearen printzipioak
zabaldu ziren heinean eta sistema politikoak onartutako aktore politikoak
instituzionalizatu eta profesionalizatu ziren heinean, hiritarren partaidetza
308