kulturgileak gizarte mugimenduetan - Euskara

dibulgatzailearen lana txertatzen da. Itzulpen kognitibo hori guztia
gizarteko toki askotan burutzen da gaur egungo gizarteetan, modu formal
zein informal batean. Mugimenduen esparruan ere gauzatzen da etengabe,
gizarte mugimenduek beraien interpretazio marko alternatiboak zientifikoki
oinarritzen dituztenean eta, marko horiek eraginda, praktika sozialen
eraldaketa proposatzen dutenean.
Gizarte mugimenduen barruan egiten den ezagutzaren sorkuntza eta
ondorengo dibulgazio lana egintza indibiduala eta kolektiboa zuzentzera
bideratuta dago, baita gizakien barneko mapa kognitiboa aldatzera ere.
Azken buruan, gizartearen benetako aldaketa politikoez mintzo garenean,
sakoneko aldaketez, aldaketa kognitiboez eta habitus aldaketaz ari gara.
Iraultza sinbolikoen azpiegituran horrelako eraldaketa ereduak daude
funtsean. Hartara, euren dibulgazio eginkizunetan teoria eta praktika
uztartzeaz arduratzen direnez, mugimenduetako adituek eragin zuzena
daukate mugimenduek bultzatzen duten gizarte praktiken aldaketan.
Beraz, mugimendu adituek bai unibertsitateetan eta bai kultura
legitimoaren beste erakunde batzuetan sortutako proposamen teorikoen
dibulgazioak eta egokitzapen estrategikoak egin behar izaten dituzte
mugimenduen esparruan. Baina, eskuarki zaila izaten da bateragarri egitea
ezagutza legitimoaren interesak —kulturgile legitimoen interesak— eta
mugimenduen ezagutza interesak. Izan ere, proposamen teorikoak eta
mugimenduaren eguneroko interes politikoak edo premia praktikoak ez
dira beti bide beretik joaten. Mugimenduetako adituek, hain zuzen ere,
azken horiei eman behar diete erantzuna. Horrela, ezagutza legitimoaren
egokitzapenak burutzean tentsioak sortzen dira behin baino gehiagotan,
batzuen lanketa teorikoak “desitxuraturik” hedatzen baitira mugimenduaren
barnean dibulgazio interesen nahiz interes estrategikoen ondorioz. Hartara,
422