kulturgileak gizarte mugimenduetan - Euskara

oinarrizko premietatik, hainbat eta gehiago garatzen da lanbidearen ospeari
eta estatusari lotutako etekin sinbolikoen inguruko interesa.
Lo más importante que busca el académico no es el poder, tras el cual va el
político, ni la riqueza, tras la que va el hombre de negocios, sino la buena
reputación (…) Alcanzar algo de eminencia en el transcurso de la vida trae
pareja la potencialidad para ejercer el poder (Becher, 2001:77, 86)
Lanaren atsegina, interes ekonomikotik haratago doan lanerako
interesa, ospearen saria. Hain zuzen ere, horrelakoxeak izan ohi dira lan
intelektualari itsatsita dauden berezko ezaugarriak. Horrelakoxeak eta ez
bestelakoak kulturaren unibertsoan sortu diren disposizioak, ekoizpen
kultural eta sinbolikoari esanahia eman dioten gaitasunak. Izan ere,
kulturgileak ongi moldatuak izan dira euren berariazko “jokoari” grinaz eta
atseginez ekiteko gizartean. Jarduera intelektuala ulertzeko modu horrek
argitzen du, besteak beste, kultura baliabideen ekoizpen sistematikoa eta
etengabea izatea gizarte eragile batzuen xede profesionala ez ezik
bizimodua. Habitusaren barne disposizioek, halaber, ondorio garrantzitsuak
dauzkate kultura esparruaren sendotze prozesuan. Hala, baliabideen
etengabeko ekoizpenak eta metaketak eskaini die intelektualei autonomia
eta botere espezifikoa berresteko ahalmena, bereziki kulturgileen beharrean
dauden gizarteko beste botereguneen aurrean.
2.3.2. Haustura beharrizanaren munduarekin
Esanak esan, gauza nabarmena da zenbait baldintza sozialek lagundu
egiten dutela gaitasun intelektualen garapenean eta, beste zenbaitzuek,
ostera, eragotzi egin ditzaketela ahalmen horiek. Izan ere, gaitasun
intelektualak gizarte egiturarekin harreman estuan daude. Arestian adierazi
den bezala, bizi baldintzak kultura habitusaren jatorrian dauden arren,
154