kulturgileak gizarte mugimenduetan - Euskara

at ezarri da esparruaren barruan. Batetik, administrazio autonomoarekin
gatazkaren estrategia bultzatzen duten erakundeak daude. Horiek esanahi
politikoa esleitzen diote hizkuntzari. Areago, hizkuntza euskal nortasun
nazionalaren osagaitzat daukate. Horrenbestez, egintza politikoa eta
kulturala parekatuta daude euren ikusmoldean. Bestetik, administrazio
autonomikoarekin lankidetza estrategia bultzatzen duten erakundeak daude.
Hizkuntzaren ulermena marko politikotik marko kulturalera eraman dute.
Hartara, esparru kulturalean kokatzen dute euren egintza, argi eta garbi.
Gu AEDn hasi ginenean (…) beti esango dugu, halaxe delako, ba Arrasaten
sortu zela AED baina sortu zela Euskal Herrian Euskarazetik. Eta hori nik esan
dezaket bertan izan nintzelako. Eta badakit nik Euskal Herrian Euskarazen
zeudenak izan zirela AED martxan jarri zutenak. Nahiz eta gero AED martxan
jarri zenean ba izen puntan agertu zirenak ba ez ziren eurak izango. Baina
AEDren ideia sortzea Euskal Herrian Euskarazetik etorri zela Arrasaten nik
hori baiezta dezaket. Beraz, alde horretatik nik ez ditut sekula antagonikotzat jo,
nahiz eta hainbat jendek antagonikotzat jo nahi izan dituen, ezta?(10.
Elkarrizketa).
“Okerkeriak egin gabe, formalak izanda, lortuko dugu”. Ba lortuko ditugu
gauza batzuk, beste batzuk ez. Eta gainera, azken batean, menpekoagoa izanik
erakundeekiko, orduan eta lotuago edukiko gaituzte, eta eurok jotzen diguten
soinuan egingo dugu dantzan. Orain, berriz diotsut, Euskal Herrian
Euskarazekin eta politikaren eta egiten duen…, nire ustez gaindimentsionatu
egiten du euskara eta horretara… Bestela, praktikan eta konfliktoaren zerean
daukan eragina bistan da. Orduan ezer ez da mugitzen justiziarekin, jende hau
serio jartzen den arte. Eta Hizkuntza Politikako eta Osakidetzako zerak ez da
martxan jartzen hauek, baten batzuk defenditzen dituzten arte, sartzen direnean
azterketak egiten ari direla ez dakit ze bronka armatzen, ezta? Orduan, “mal
que les pese”, ba bai (…), holako jendea oso beharrezkoa da. Eta bejondeiela ze
batzuk ari dira larrua hor jartzen eta askotan multak eta badakigu zelako
historiak izaten dituen horrek oraindik ere. Orain nik uste dut abanikoa
zabaltzeak azkenean nahi duenak leku gehiago eduki dezan lan egiteko ba oso
ondo dagoela hori. Eta herri elkarteen lana horixe da, ezta? Zerbitzuak ugaritu
ahala, bakoitzak bere portzioan, eta portzio horretatik aurrera egiten jarraitzen
duela. Ba bidea ematen du… Euskal Herrian Euskarazek egingo duen
oposizioak izan daitezela askoz ere ideologikoagoak, askoz ere dedikazio
handiagoa eskatzen dutenak denbora epe laburragoan… Beraz, nik osagarri
ikusten ditut, eta parte delakoan egiten ari diren lana, behintzat batzuk egiten
dute (10. Elkarrizketa).
80. hamarkadaren hasieran dena zan helburu; bueno hastera goaz, eta klaro,
baino (…) ba EHEko horrek ez dakit nun, edo Osakidetzako ez dakit zerekin
633