kulturgileak gizarte mugimenduetan - Euskara

el nivel de contribución por parte de las personas ajenas al grupo en lo
referente al incremento del abanico de recursos disponible (Jenkins, 1994: 14).
Mugimenduen baliabideei dagokienez, bitarteko materialez gain —
dirua, egoitzak, eta abar— Beranduko Modernitatean garrantzi handia
hartzen dute antolakuntza gaitasunak, ezagutza teknikoak eta giza
baliabideek. Oro har, ikuspegi horretan uste da mugimenduaren eskura
dauden baliabideek mugimenduaren beraren sorrera eta bideragarritasuna
baldintzatzen dutela. Joera gisa, gure aroko gizarteetan klase ertain
dirudunek eskaintzen dizkiete mugimenduei baliabiderik garrantzitsuenak.
Beraien egoera ekonomiko erosoak eta astia bitarteko izateak
mugimenduetatik hurbil jartzen ditu klase ertainak talde sozial modura.
Halatan, gizarte sektore horietatik oso baliabide baliotsuak jasotzen dituzte
mugimenduek: dirua, aktibisten ardura eta atxikimendua, eta ezagutza,
besteak beste. Baliabide horiek guztiek ahalbidetzen dute mugimenduek
antolakuntza nahikoa izan dezaten beraien helburuen aldeko jardunari
ekiteko. Azkenik, ez da ahaztu behar baliabideen mobilizazioa
mugimenduaren protesta erraztu edo zaildu egiten duen testuinguru politiko
batean gertatzen dela beti. Hori dela eta, baliabideen mobilizazioaren
ikuspegitik, egintza kolektiboaren sorrera azaltzean aintzat hartzen dira
lehenik, gizarte taldeek eskuragarri dauzkaten baliabideak, bigarrenik,
egintza politikoari begira antolatzeko daukaten gaitasuna eta, hirugarrenik,
mugimenduarentzat lagungarria den aukera politikoaren egitura.
Hortaz, hirugarren faktore hori ere erabakigarria da Baliabideen
Mobililizazioaren Teoria ulertzeko, gizarte mugimenduak ohiko aktore
politikotzat jotzen baitira sistema politikoaren barruan. Halatan, gizarte
mugimenduak testuinguru politikoan nola txertatzen diren eta beste aktore
politikoekin nolako harremanak dituzten aztertu ohi da paradigma horretan.
Izan ere, mugimenduen arrakasta ez dago soilik beraien baliabideen,
344