kulturgileak gizarte mugimenduetan - Euskara

fundamento de las representaciones subjetivas y constituyen las coacciones
estructurales que pesan sobre las interacciones; pero, por otro lado, esas
representaciones también deben ser consideradas si se quiere dar cuenta
especialmente de las luchas cotidianas, individuales o colectivas, que intentan
transformar o conservar esas estructuras (Bourdieu, 1988: 129).
Errealitatearen alderdi objektiboak hartutako lehentasun teorikoak,
hein handi batean, Bourdieuk, J.C. Chamboredon eta J.C. Passeronekin
batera Le Métier de Sociologue 31 azterlanean egindako gogoeta
epistemologikoan dauzka bere sustraiak. Gogoeta horren muinean haustura
epistemologikoaren ideia dago, alegia, soziologoen ezagutza zientifikoaren
eta aktore sozialen ezagutzaren arteko bereizketaren beharra azpimarratzen
duen ideia. 32 Hain zuzen ere, hausturaren printzipio epistemologikoak
bultzatzen du soziologia Durkheimek Metodo Soziologikoaren Arauetan
aipatutako aktoreen aurrenozioak saihestera (Durkhiem, 1977). Abiapuntu
horren garrantzia berresten du Bourdieuk, dudarik gabe. Halaz ere, bere
bigarren une subjektibistaren eraginez, ezagutza eruditoa eta sen oneko
ezagutzaren dikotomia aurkezten duen ekarpen hutsa baino gauza
konplexuago bilakatzen da haren proposamena (Corcuff, 998: 32).
Bourdieuren aburuz, edozein gizakiri erreparatuta ere —gizarteko
langilea, artista, funtzionarioa nahiz “intelektuala” hartu azterketaren
abiapuntutzat—, egintza historikoaren oinarrian ez dugu inoiz aurkituko
gizartetik at eratutako subjekturik, hau da, gizarteari “kanpotik” aurre
egiteko gai den gizakirik. Haren ustetan, egintza historikoaren printzipioa
ez datza ez kontzientzian ezta “gauzetan” ere, ezpada sozialtasunaren bi
dimentsioren arteko harremanean: “gauzetan” objektibatu den historia
atzematen dugu, batetik —horiek dira azken batean gizarte instituzioak—,
eta gorputzetan hezurmamitu den historia dakusagu bestetik —horiek dira
31 Gaztelaniaz El Oficio de Sociólogo. Ikus Bourdieu, Chamboredon, Passeron, 1976.
32 Ikuskera horren oinarri epistemologikoak Gaston Bachelarden epistemologian
daukate euren jatorria. Ikus Bachelard, 1973.
87