kulturgileak gizarte mugimenduetan - Euskara

intelektuala. Halatan, tradizioak eta testuinguru sozial eta intelektualak estu
uztarturik egon ohi dira. Gizarte bakoitzean jarduera intelektualaren eredu
normatiboa ematen duten tradizio intelektual bereziek osagarri kognitiboak,
teknikoak edo akademikoak edukitzen dituzte, baita politikaren alorrekoak
ere; azken horiek ideal eta balio jakin batzuk eskaintzen dizkiote
kulturgileari esparru publikoan aritzeko.
Shilsek baieztatzen du lanketa intelektual oro tradizio multzoetan
oinarritzen dela eta, era berean, lanketa intelektualak tradizioa sortu eta
transmititzen duela (Shils, 1976: 35). Intelektualei buruzko azterketetan
hain arrunta izan den ikuspegi indibidualistak ezin du egintza intelektuala
bere osotasunean barne hartu. Izatez, egilearen talentua handia izanda ere,
lan intelektual oro tradizioaren testuinguruan moldaturik egon ohi da.
Honako modu honetan ulertzen ditu Shilsek tradizio intelektualak:
Son las tradiciones inmanentes de la actividad intelectual, el conjunto aceptado
de las reglas de procedimiento, las normas de juicio, los criterios para la
selección de materias y problemas, los modos de presentación, los cánones para
la valoración del mérito, y los modelos de logros anteriores y de posible
emulación. Sin la tradición, llamada método científico en cada campo
determinado de la ciencia y de la erudición, y técnica en los terrenos de la
creación literaria y otras artes, entre ellas las plásticas, ni siquiera podrían ser
eficaces los genios más grandes y creadores (Shils, 1977: 142).
Definizioan aditzera ematen duenez, Shilsek tradizioaren kontzeptua
metodo zientifikora eta teknika artistikoetara murrizten du. Guk, ordea,
goian iradoki den haritik, egokiago ikusten dugu kontzeptuari eduki
zabalagoa ematea. Hartara, hemen aurrerantzean erabiliko den adieran,
tradizio intelektualaren kontzeptuak barnean hartzen ditu esparruan
esparruko kultura jarduerak eskatzen dituen berariazko gaitasun eta
ezagutza teknikoak, eta horiez gain, egintza intelektualaren —egintza
politiko- kulturalaren— eredu nagusiak ere. Izan ere, tradizioak ematen
205