kulturgileak gizarte mugimenduetan - Euskara

du topo problematika sozialekin. Gaur egun bai, ez? Beraz. Antropologoak baita
ere, noski. Baldin bada matematikari, fisiko, estilo hortakoa, eta ari dena
zientzia exaktoen oinarrizko ikerketa maila horretan eta abar, ba seguraski
pertsonak eta askoz urrunago izango ditu. Nahiz eta beti ere izango du bere lan
horren ondorioak eta erabilerak eta, horri buruzko hausnarketa izango du.
Baino, beno, seguraski askoz urrunago gelditzen zaio horren ondorioak eta
abar, beste batzuen esku gelditzen da eta hor ja kate horretan; (…) seguraski ez
zaio tokatzen hainbeste hausnartu beharra arlo horretan. Baina, beste arloetan
ari direnak, ekonomia arloan berdin, ni ari naizen arloan esaterako (…)
derrigor, derrigor (…) Orduan tokatu beharko zaio ariketa intelektual hori
egitea eta pertsonalki posizio batzuk hartzea (4. Elkarrizketa).
2.2.3. Euskal kulturgileen eta euskal kultura esparruaren
berezitasunak kulturgileen pertzepzioan: mendekotasunaren zantzuak
Aipatu ditugu orain arte elkarrizketatuko kulturgileek rol eta
eginkizun intelektualei buruz dauzkaten irudikapen idealak.
Intelektualaren konpromiso soziala modu nabarmenean azpimarratzen
duten irudikapen horiek euskalgintzako kulturgileen rola eta euskalgintzako
esparrua bera eraiki diren aldi berean osatu dira, zalantzarik gabe. Izan ere,
kulturgileek baldintzapen sozio-historiko jakin batzuetan eraikitzen dituzte
beraien eredu normatiboak. Baldintzapen horiek gabe ezin dira ulertu
euskal kulturgileek euren ustezko eginkizunari buruz barneratu dituzten
habitusak edo disposizio praktikoak. Hain zuzen ere, euskarazko kultura
esparruaren osaketa prozesuaren kontaketa egiten zaigu ondorengo
elkarrizketan; solaskidearen ustez, beharrezkoa da sustrai historiko
horietara jotzea gaurko esparruaren —eta bertako eragileen—
berezitasunak argitu ahal izateko. Berezitasunak nabarmenak izan dira
Modernitatearen hastapenetatik, oso goiz hasi baitzen euskararen eta euskal
kulturaren mendekotasuna inguruko hizkuntzei buruz. Hala, mendeetan
566