kulturgileak gizarte mugimenduetan - Euskara

duela, ez? Superbibentzia instintoa ateratzen zaigula eta, superbibentzia instinto
hori, ba janaria bilatzekoa bezela, hizkuntza bat zuretzako, ez zerbait osagarria
baizik eta, ia-ia, existentziala baldin bada, ba…, horrek areagotu egiten duela,
bai sozialki eta bai pertsona konkretu batzuetan ba gai edo arazo, edo horrekiko
pentsatzera, sortzera eta irtenbide edo lanketa bat egitera, ez? Ordun, kasu
horretan, baliabide gutxiago izan daiteke eta posiblea da, baina ba egoera
horrek, batzutan zirikatu egiten du eta suspertu egiten du lan hori. Hori
iruditzen zait. (5. Elkarrizketa).
Bestetik, minorizazioak, euskal kulturgilearen rolaren eraikuntza
baldintzatu du. Jakina denez, kulturgileek ez dute euren rola senez betetzen.
Aitzitik, kultura eragileek gizartean, alegia, testuinguru historiko eta
instituzional jakinetan, garatzen dituzte beraien rolak eta nortasunak. Hain
zuzen ere, aipatu instituzio historikoekin sortutako elkarrekintzan ematen
diote esanahia beraien eginkizunari, zeinahi dela normatiboki definitutako
eginbeharra. Orain arte adierazi diren euskal kultura esparruaren
ezaugarriek —euskarazko hizkuntza komunitatearen tamaina eta
egituraketa eskasa, euskarazko kultura baliabideen urritasuna, esparruaren
azpiinstituzionalizazioa eta lan intelektualaren zabalkunderako mugak—
ezbairik gabe, euskal kulturgilearen egintzarako marko objektibo bat eratu
dute eta hala hauteman dute kulturgileek beraiek. Euskalgintzako
kulturgileari bere eginkizunean marko horrek ezarri dizkion baldintzapenek
bere zeregina lan profesional modura ez ezik militantziaren eginbehar gisa
irudikatzera ere bultzatu dute kulturgilea. Halatan, oraindino gaur egun,
instituzionalizazio politikoak eta gizarte mugimenduaren ahultzeak
militantismoaren gainbehera ekarri duten une honetan, profesionaltasuna
eta militantzia uztartzen dituen kultura eragilearen eredu normatiboa da
nagusi euskalgintzako kulturgileen ahotan
Kulturgile profesional batek, eta gure errealidade konkretuan, behar du
profesionaltasuna baino, askotan aipatu baldin bada ere militantismoaren
garaia bukatu dela eta orain profesionaltasunaren garaiak sartu direla, uste det
profesionala izan behar duela baino eutsi behar diola militantismo puntu bati.
Nik uste det bere lanean profesionala izan behar duela, lanean profesionala,
581