kulturgileak gizarte mugimenduetan - Euskara

engaiamendu politikoa. Zedarritze ariketa horien araberakoa izan da
kontzeptuari egotzitako hedadura handiagoa edo murritzagoa ere. Orain
nabarmendu nahi dugu, aipatu irizpideekin batera eskuarki kulturgileari
erantsitako bikaintasuna ere erabili dela kontzeptuaren adiera murrizteko.
Horiek horrela, kontzeptuaren adierarik zabalenak ia erabat baztertuta
geratu dira azken urteotako kontzeptualizazio teorikoetan. Lehenago
posible baldin bazen eskulanetik at zeuden zeregin “intelektualen” egileak
intelektualen kategoria barruan onartzea, gaur egun jarduera horien
hedapenak irizpide zehatzagoen premia utzi du agerian.
Identifikatzeak ezinbestean eskatzen du zedarritzea eta hautatzea,
barnean hartzea eta kanpoan uztea, baita hausnarketa gaiari ezaugarri
batzuk egoztea ere, modu horretan beste gai batzuetatik bereizi ahal izango
delako auzia. Hari beretik, identifikazioak edo definizioak barnean hartzen
ditu hainbat urrats: sailkapenak eta hierarkiak ezartzea, mapa kontzeptualak
eta kategoria katalogoak eraikitzea, hots, gizarte errealitate konplexuaren
interpretazio lanerako tresnak prestatzea. Gizarte zientzien zailtasunetako
bat, hain zuzen ere, aztergaiak zedarritzean agertutako desadostasunetan
adierazten da. Izan ere, aztergaien lehen mugaketa horrek ondorengo lan
eta gogoeta guztiak baldintzatzen ditu, haren ondorioz emaitza desberdinak
sortu eta errealitate sozialaren irudikapen kontraesankorrak eskaintzen
baitira.
Intelektualei buruzko diskurtso sozialetan bezala, kulturgileei
buruzko azterketeta teorikoetan ere,—bi mailak askotan nahasita agertzen
dira— nabarmenak dira hautaketa irizpideak hartzean dauden
desakordioak. Bat ez etortze horren ondorioa ertz lausoak dauzkan
intelektualeriaren irudikapena izaten da hipotesirik onenean; eta txarrenean,
65