kulturgileak gizarte mugimenduetan - Euskara

atzuen adierazpen modura interpretatzen dituzte egintza indibidualak
nahiz kolektiboak. Beste era batera adierazita, interpretazioek eta
identitateek elkar elikatzen dute; mugimenduek gizartean gertu dauden
material kulturalak baliatzen dituzte batzuk eta besteak lantzeko.
Mugimendu baten parte-hartzaileei eta jarraitzaileei nortasun
esleipenak egiten zaizkien modu berean leporatzen zaie zenbait ezaugarri
mugimenduen aurkariei ere. Mugimenduetako eragileek askotariko
markoak sortzen dituzte arerioen nortasun esparruak ezartzeko. Ildo
horretatik, protagonisten nortasunekin eta haiek defendatzen dituzten
printzipioekin bat ez datozen gizaki, talde, balio eta praktiken
identifikazioa egitea izan ohi da maiz erabilitako jardunbidea. Arestian
esan bezala, erreferentzi markoen sorkuntzak gizarte arazoen erantzukizuna
eta erruduntasuna zehazteko ahaleginak hartzen ditu tartean. Halatan,
auzien erantzulea finkatzean mugimendu bateko eragileek euren buruaren
ezaugarriak eta arerioarenak aldarrikatzen dituzte aurkaritza harreman
horretan. Mugimenduek aurkarien nortasunen inguruan egiten dituzten
gizarte eraikuntzak garrantzitsuak dira; eraikuntza horiek arerioen
ahulguneen eta indarren neurketara zuzentzen dute mugimenduetako
eragileen azterketa. Hartara, jarduera horiek mugimenduaren estrategia
eratzen laguntzen dute.
Mugimenduaren jarraitzaileen eta arerioen identitateekin batera,
behatzaile inpartzialtzat edo axolagabetzat jotzen diren gizarte taldeen
nortasun esparruak osatzen dira. Multzo zabal horretan, unean uneko eta
tokian tokiko ezaugarri sozialen arabera, era askotako gizarte eragileak
egon daitezke kokatuta. Mugimenduaren kideko diren erakundeak,
hedabideak, elite politikoak, bazterreko jarraitzaileak edo zehaztugabeko
“kaleko jendea” izan ahal dira horietako batzuk. Desberdintasunak
371