kulturgileak gizarte mugimenduetan - Euskara

antolaketaren eta erabaki estrategikoen mende. Aitzitik, sistema politikoan
zabaltzen diren aukerek mugimenduaren ibilbidea baldintzatzen dute. Ildo
horretatik, elite politikoekin, alderdiekin edo interes taldeekin dauzkaten
koalizio/oposizio harremanak funtsezkoak izan daitezke mugimenduen
helburuak erdiesteko bidean. Ez dira garrantzi gutxiagokoak sistema
politikoaren egitura instituzionalak mugimenduen partaidetzarako eta
eraginerako eskaintzen dituen zirrikituak. Testuinguru horretan sortu da
“Aukera Politikoaren Egitura” deritzon kontzeptua, hain zuzen ere,
mugimenduarekin elkarrekintzan dagoen esparru politikoak mugimenduari
eskainitako aukerak lantzen dituen azterketa ildoa. 137
1. 3. Ikuspegi garaikideak. Gizarte Mugimendu Berrien Teoria
Le lieu central des rapports et des conflits sociaux s´est déplacé du champ du
travail vers le champ plus large de la culture (Touraine, 1982: 19).
Los conflictos se desplazan del sistema económico-industrial hacia el ámbito
cultural (Melucci, 1994a: 128).
60ko eta 70eko hamarraldietan planteamendu klasikoei Europan
emandako erantzunak amerikar eredutik aldentzen diren bideak urratu
zituen. Ikusi den bezala, Baliabideen Mobilizazioaren Teoriaren arabera
gizarte mugimenduen bizitza hiru ardatzen inguruan azaldu behar zen, hots,
egintza kolektiborako sortutako baliabideak, antolaketa ereduak eta aukera
137 Political Opportunity Structure: Eisinger, Tarrow, Kriesi eta beste autore batzuek
jorratutako tresna kontzeptual honek gizarte mugimenduak sortzen eta garatzen
direneko testuinguru politikoaren berri ematen digu. Eskuarki, Aukera Politikorako
Egitura (APE) hiru aldagairen mende dagoela uste izaten da: sistema politikoaren
egitura instituzionalaren eraketa, laguntza sistema (mugimenduaren alde joka dezaketen
eragileek osatzen duten sistema) eta gatazka sistema (mugimenduaren aurka diharduten
eragile sozialek osatzen duten sistema). Gazteleraz ikus: Kriesi, 1992; Tarrow:1997;
1999; McAdam: 1988; 1998; 1999a; Della Porta: 1999; Oberschall: 1999.
Kontzeptuaren aplikazioa euskaraz: Zubiaga, 1992.
345