kulturgileak gizarte mugimenduetan - Euskara

ipintzen dizkiote objektibazio zientifikoari, bai maila objektiboan bai
subjektiboan. Izan ere, ariketa erreflexiboak subjektu ezagutzaileari
ezagutzaren objektu izatea eskatzen dio. Ariketa horrek, jakina, kolokan
jartzen du objektibazio lanaz aske sentitzen den subjektu ezagutzailearen
pribilegioa, eta, hartara, zaildu egiten du azterketa. Horregatik,
kulturgileen nahiz kulturgintzaren azterketa zorrotz batek bizitza
intelektuala bizitzeko eta pentsatzeko molde arruntak irauli behar ditu,
kulturaren gaiei atxikitako sinesteei erreparatu eta haiek ikertzeko modu
legitimoak bilatu. Bada, sakratutasun kulturalari zor zaion atxikimendua ez
da esplizituki adierazita egoten, mundu inkontzientean errotuta baizik.
Areago, kultura hautemateko sen oneko ikusmoldeak gizaki arrunten
baitako sinesteetan ez ezik, kulturgileek beraiek, gizarteko kide modura,
euren zereginari buruz partekatzen dituzten usteetan ere sustraituta egoten
dira.
Los hombres cultos están en la cultura como el aire que respiran y se precisa una
gran crisis –y la crítica que la acompaña– para que se sientan impulsados a
transformar la doxa en ortodoxia o en dogma y a justificar lo sagrado y los modos
consagrados de cultivarlo (Bourdieu, 1995: 278).
Kulturgileek (ia) monopolio gisa metatzen dituzte gizartea aztertzeko
eta haren irudikapenak sortzeko beharrezkoak diren baliabideak. Hartara,
berenganatuta daukate kulturaz eta kulturaren sortzaileez mintzatzeko
zilegitasuna ere. Intelektualez berba egiten duenak, gogorarazten digu
Bobbiok, eskuarki intelektualei dagokien zereginen bat betetzen du.
Halatan, mintzatzaileak berak intelektual bihurturik dihardu. Bestela
esanda, intelektualez mintzo direnean, zinez, intelektualak beraiei buruz ari
dira gogoeta egiten, nahiz eta sarri askotan euren burua bitan banatuta
aurkezten duten, intelektualeriaren kide izango ez bailiran (Bobbio, 1997:
14). Itxurazko kontraesanaren atzean, ordea, definitua izan behar duen
42