kulturgileak gizarte mugimenduetan - Euskara

egintzen eragina ere ezin da parekoa izan mugimenduaren norabide
estrategikoan. Nola jaso aniztasun hori muturreko eredu murriztaileak
baztertzen baditugu, alegia, kulturgileen ohiko eskema elitista, batetik, eta
eskema interakzionista guztiz horizontala, bestetik, albo batera uzten
baditugu?
3.3. Harremanezko ikuspegia gizarte mugimenduetako intelektualen
azterketan: tradizio intelektualak mugimenduetan txertatuz
Gure ikusmoldean gizarte mugimenduek ez dute barne entitate
homogeneo eta berdintasunezkoa osatzen. Aldiz, harremanezko gune
modura eratzen dira; hitz batean, esparrua eratzen dute. Mugimenduei
buruzko azterketa askotan antolakuntzaren dimentsioa azpimarratu da.
Hartara, ikusgaitasunari dagokionez, azterketa horietan mugimenduek
osatutako erakundeak izan ohi dira esparruko osagarririk garrantzitsuena.
Luzaroan, mugimenduen antolakuntzaren ikuspegia gailendu da azterketa
askotan; organizazioak izan dira analisirako elementurik hurbilenak eta
agerikoenak. Halarik ere, gure analisian mugimenduen dimentsio
sinbolikoa eta kognitiboa nabarmentzen ahalegintzen garenez, definiziorik
ematekotan esango dugu, maila sakonago batean, gizarte mugimenduak
eragile anitzez osturiko gune kognitiboak direla, hots, askotariko gizaki,
talde eta erakundeek eraikitzen dituzten esparru kontzeptualak eta
intelektualak direla, eta horiek indarrean dauden errealitatearen definizioen
ordezko markoak artikulatzen dituztela. Hartara, gizarte mugimenduak
ezagutza ekoizle dira. Baliabide sinboliko asko sortzen eta mobilizatzen
407