kulturgileak gizarte mugimenduetan - Euskara

esos contextos históricos como de las praxis correspondientes. La TMR y el
enfoque de los NMS no son una excepción a esta regla sociológica (Casquette,
1998: 144).
Hortaz, Ameriketako Estatu Batuetako merkatu politikoan berezkoa
den interes gatazka, batetik, eta Europan kultura aldaketara orientaturik
dagoen balio gatazka, bestetik, horiexek dira eredu teoriko bakoitzak
ardatzat hartu dituen interes guneak. Guneok hainbat marko analitikotan
garatu dira, eta ia elkartezin bihurtu dituzte ikuspegi politikoa eta kulturala
azterketa teorikoan. Nola gainditu binomio baztertzaile hori?
2. Gizarte mugimenduen jardun sinbolikoa ulertzeko
tresna analitikoen bila
Ezin dugu ezkutatu lan honetan nagusitzen diren azterketa
interesguneak gizarte mugimenduen dimentsio kognitibo-kulturalean
biltzen direla, inolako zalantzarik gabe. Halatan, hemendik aurrera dugun
helburua gizarte mugimenduen barruan kulturgileek sortzen dituzten
kultura kodeen eta ezagutzen garrantzia nabarmentzea izango da. Aldi
berean, baina, ez ditugu erabat alboratuta utzi nahi, azterketa askotan
gertatu ohi den bezala, kulturak gizarteko egiturazko esparruekin —besteak
beste esparru politikoarekin— ezinbestean dauzkan harreman estuak. Ildo
horretatik, Frame Analysis delakoa jorratuko da batik bat ondoko
orrialdeetan. Uste dugu frame analysis deritzonak, mugimenduen alderdi
kulturalak azpimarratzen dituen arren, kultura esparrua gizarteko egitura
politikoekin elkarrekintzan jartzeko aukerak ematen dituela. 143 Ildo
143 Berriz ere zubiak eraiki nahian, bide hori urratzen saiatu dira Morris eta Mueller
(Morris eta Mueller, (bil.), 1992), (Morris, 1992) eta McAdam, McArthy eta Zald
(McAdam, McArthy, Zald (arg.), 1999).
357