kulturgileak gizarte mugimenduetan - Euskara

funtsatzen da. Lehenbiziko ideia da berreskurapenerako ezinbestekoa dela
hizkuntza komunitatearen kohesioa erdiestea, zehazkiago, komunitate
horren oinarrizko nukleoa eratzea. Hizkuntzaren nukleoa —edo “espazio
sinbolikoa”, Txepetxen terminologian— hiztun osoek osatzen dute, hau da,
jatorrizko kultuek eta heldu jatorrizkotuek. Nukleo horren osasunaren
pentzudan dago, haren ustez, hizkuntzaren bizitasuna eta garapena
historiako une jakin batean (Sánchez Carrión, 1987a: 65; 1987b: 42).
Hartara, ezein desberdintasun eta barne zatiketaren gainetik nukleo hori
egituratzea eta trinkotzea izan behar du berreskurapen prozesuaren lehen
urratsa.
Euskarazko komunidadearen edo erkidegoa sortzeko konplementua Txepetxek
garatu zuen. Hori nik beste inon ez dut irakurri. Eta horren egile dira euskara
elkarteak, egileak, ez bakarrik, noski (…) Hor dugu, zentzu horretan, sektore
edo nukleo edo euskarazko komunitatearena (…) Bi gauza diferente dira oso
(…) Euskal Herria lurralde modura eta euskaldungo erkidegoa (…) Txepetxek
adierazi zuen bere teoriarekin (…) nukleoa non zegoen, euskarazkoa (9.
Elkarrizketa).
Autorearen hizkuntzen ikaskuntzaren teoria izango litzateke bigarren
puntu garrantzitsu bat. Hein handi batean, hizkuntza ikaskuntzaren prozesu
naturala etenda dagoenez, aipatu nukleoa osatuko duten hiztun osoak
lortzeko bi bide aurreikusten ditu Txepetxek. Bata, ahulduta dagoen bide
naturala, erabileratik ezagutzara eta motibaziora doana. Bestea, prozesu
kulturala, motibaziotik abiatuta, ezagutzara eta erabilerara daramana.
Hartara, Txepetxek hizkuntzaren normalizaziorako proposatzen duen
ibilbidea, ibilbide kulturala da, batik bat. Izan ere, motibazioaren eta
ezagutzaren suspertze horrek lan intelektualaren eta interbentzio sozialaren
premia eskatzen du.
Motibazioa, ezagutza eta erabilera, sekuentzia horretan eta, hori, Txepetxen
eskemetan, ez da ibilbide naturala, da ibilbide kulturala, eta hizkuntza baten
normalizazio prozesua, inpulso hori, intelektualki ere, kulturala da, ez da
619