kulturgileak gizarte mugimenduetan - Euskara

gorabeherak direla medio, are gehiago krisiak eta gizarte aldaketa
bizkorrak burutzen diren uneetan. Tentsioak eta adostasun ezak oso
arruntak dira etengabeko eraldaketan barneraturik dagoen gizartean. Hala
eta guztiz, egia da eragile sozial batzuek partekatutako habitusak, bizi
baldintza berberen emaitza izatean, egoera objektiboei egokituriko
jokamoldeak sortzeko joera izan ohi duela berez, hau da, habitusak
partekaturiko interes indibidualak asetzeko jokamolde egokiak eragiten
dituela.
Laburbilduz, habitusa ezin da kontzeptu erabat determinista modura
ulertu. Historiaren emaitza izanik, gaitasun sistema ireki gisa hartu behar
da. Esperientzia berriei aurre egin behar izaten die eta, aldi berean,
esperientziek eraldatua agertzen da. Habitusa iraunkorra da, bai, baina ez
aldagaitza. Dena den, ez da harritzekoa jenderik gehienak bere hasierako
habitusari egokituriko baldintzak aurkitzea gizartean, gizakiak euren
gaitasunak berresten dituzten esperientzien bila ari direlako. Izatez,
habitusa lehentasunen egitura sortzailez osaturik dago; egitura horiek
gorpuztu dute gizartea gizakiaren baitan, eta horiexek eratu dute gizaki
sozializatua. Hartara, habitusa aktibatzeko zain legokeen malguki gisa ikusi
daiteke. Alta, esparruaren egitura eta estimuluen arabera, habitus berberak
era askotako praktikak, areago, praktika kontrajarriak, sortu ditzake.
2.2. Mundu sozial espezifikoari lotutako interesa
La cultura surge en forma de juego (…) En este juego la comunidad expresa su
interpretación de la vida y el mundo (Huizinga, 1972: 63).
Arestian esan dugun moduan, habitusak —alegia, esparru sozial
bateko eragileen gaitasun, pertzeptzio eta balorazio eskemen multzoak—
144