kulturgileak gizarte mugimenduetan - Euskara

2.1. Interpretazio markoen azterketa. Aurrekariak
Gizarte Mugimendu Berrien ikusmoldea Europan garatu da batik bat.
Halaz ere, Estatu Batuetan egindako hainbat ekarpen teoriko garrantzitsuak
izan dira ildoa osatzeko. Arestian esan den moduan, egiturazko
kausalitatearekin batera ideiek eta kultura prozesuek egungo mugimenduen
eraketan izan duten eragina azpimarratu du gizarte mugimenduen europar
paradigmak. Bigarren alderdi horretan sakondu nahi izan dute, hain zuzen
ere, Estatu Batuetan landu diren “egintza kolektiboaren erreferentzi
markoen” azterketek. Izan ere, neurri batean, gaur egun gizarte
mugimenduen analisian diharduten ildo teoriko nagusi guztiek onartu dute
dagoeneko egintza kolektiboaren oinarrian dauden funts kulturalen eta
lanketa ideologikoaren garrantzia eta ezinbestekotasuna. 146
Gizarte mugimenduen azterketari dagokionez, “marko”
kontzeptuaren lehen aipamena Gamson, Fireman eta Rytinak 147 egin zuten,
egintza kolektiboa suspertzen duten “bidegabekeriaren edo injustiziaren
markoez” hitz egitean. Geroztik, laurogei eta laurogeita hamargarren
hamarraldietan zehar, Snow, Benford eta Huntek modu sistematikoan
jorratu dute ideia, eta eragin handia lortu dute mugimenduen azterketa
esparruan. Oro har, denek hartzen dute Erving Goffmanen “frame”
kontzeptua abiapuntu gisa (Goffman, 1986).
146 Onarpen horrek lehenago baztertuta geratu ziren ikuspegi teorikoen ekarpenak
atzera ikustea ere ekarri du. Gusfieldek, esaterako, Jokabide Kolektiboaren eta Masa
Gizartearen Teorien berrikusketa egin du, eta teoria horiek gizarte mugimenduei buruz
eskaini zuten azterketa kulturala azpimarratu du (Gusfield, 1994). Ildo berean aritu da
E. Laraña ere (Laraña, 1996). Johnstonek eta Klandermansek, bestalde, gizarte
mugimenduei buruzko ikusmolde kulturalaren azterketa bilduma bat argituratu zuten
(Johnston eta Klandermans (arg.), 1995).
147 Ikus W. Gamson, B. Fireman eta S. Rytina (1982): Encounters with Unjust
Authority. Dorsey Press. Homewood.
359