kulturgileak gizarte mugimenduetan - Euskara

erriz, helburuekiko egintza razionalaren oinarria ez errespetatzea egozten
die Chomskyk bere aldetik, horrek baino ez baitu hornitzen “egintza
gizakia” emaitzetarako egokiak diren bitartekoez. Bestela adierazita,
adituen zientziak ez du balio izan, Chomskyren iritziz, bere oinarrian
dauden helburu nobleak burutzeko. 18
Oro har, esan daiteke Weberren ikuspegiaren aplikazioak zeregin
intelektualen zedarripen preskriptiboa dakarrela kulturgilearen azterketara,
idel normatibo moduan kulturgintza esparrura, eta hartara soilki, mugatzen
baititu kulturgilearen jardunak. Interpretaziorik malguenetan ere,
kulturgileak garatu ditzakeen ahalezko funtzio politikoak zeharo murriztuta
agertzen dira. Halaz ere, ez zen Weber izan ikuspegi hori defendatu zuen
bakarra tradizio soziologikoan, nahiz eta berak eman zion jarrera
kulturalistari oinarri filosofiko landua. Durkheimek berak ere uste zuen
intelektuala liburua, hitzaldia eta herri-heziketa lanen bitartez gauzatu
behar dela, “aholkulari” eta “hezitzaile” izateko asmoarekin. Ildo horretan,
intelektuala, Durkheimen arabera, bere garaikideei laguntzeko sortua da —
azken horiek beren ideietan eta sentimenduetan islatu daitezen—, baina
inondik inora ere ez gobernatzeko (Durkheim, 1976: 84). Hainbat eta
hainbat pentsalarik, soziologian eta beste diziplina batzuetan, azpimarratu
dute antzeko ideal normatiboa gaur egun ere.
La mejor manera para el intelectual de cumplir sus responsabilidades, políticas
o de otro tipo, será la de permanecer fiel a la tarea de una intelección clara,
completa y honesta (…) La labor de los teóricos (…) consiste en suministrar
información experta y, quizá, legitimaciones creibles a los programas concretos
del político (Berger, 1979: 20, 24).
Planteamendu horietan guztietan behin eta berriro zehaztu nahi dira
ideien esparruaren eta egintzaren esparruaren arteko mugak. Horretarako,
18 Ikus Benda, 1975; Chomsky, 1971.
59