kulturgileak gizarte mugimenduetan - Euskara

sinbolikoen arteko gatazka, gehienetan, interes gatazka baten adierazle
gertatu ohi da; gizarte lehia sinbolikoek, horrenbestez, isla argia edukitzen
dute gizartearen egiturazko esparruetan.
Gogoeta horren harira, pentsatu behar dugu errealitatearen definizio
lehiakorren atzean oinarri sozioestrukturala ezkutatzen dela beti, eta
lehiaren emaitzan eragina sortzen duela —eragin erabatekoa esango
genuke— oinarri horrek. Horiek horrela, maizenetan interes estrateorikoek
erabakitzen dute edozein gizarte eztabaidaren ondorena. Tartean, gizarte
taldeak daude eta taldeok lehian diren teoriekin dauzkaten kidetasunak.
Teoria hutsek ez dihardute inoiz elkar borrokan. Hartara, gizarte
errealitateari buruzko definizio aurkariak interes sozial lehiakorren
eremuan erabakitzen dira. Aldi berean, aurkakotasun hori maila teorikoan
ere adierazten da. Testuinguru horretan erabili ohi da, hain zuzen ere,
ideologiaren kontzeptua. 1
2. Legitimazio adituak gizarte modernoan
Looked at historically, the idea of the intellectual is a child of the Enlightenment
and the forces that supported or opposed what has come to be called
modernization. The idea of progress, of social development through the
application of human reason to the world, has been a central theme in the
generational formation of intellectuals (Eyerman, 1994: 27).
1 Errealitatearen definizio partikular bat botere interes zehatz bati loturik dagoenean,
ideologiaz hitz egiten dugu. Unibertso orokor berbera gizartean dauden interes jakinen
arabera era askotara interpretatzen denean sortzen dira ideologiak. Ideologia
kontzeptuaren inguruan hainbat ikuskera badaude ere (ikus, adibidez, Ariño, 1997: 120-
146), guk uste dugu, orokorrean, zilegi dela honako testuinguru honetan erabiltzea: hain
zuzen ere, praktika diskurtsibo eta sinbolikoak boterearekin eta beraren legitimitateari
lotutako praktika sozialekin erlazionaturik daudenean.
25