kulturgileak gizarte mugimenduetan - Euskara

eharrezkoa da egintzan nahasirik daudenek pertzepzio eta identifikazio
kategoria berberak izan ditzaten. Modu horretan hartzen dute zentzua
gizarte egintza jakin batzuek, besteak beste, kultura unibertsoetan gertatzen
diren egintzek.
3. Kulturaren berariazko boterea
3.1. Gizarte errealitatearen dimentsio sinbolikoa
Nekez ulertu daiteke gizarte errealitatearen nolakotasuna ez bada
aintzat hartzen haren dimentsio sinbolikoa. Dudarik gabe, gizarte
errealitatea sinbolikoki eraikitako errealitatea dugu. Baieztapen horrek,
ordea, ez du esan nahi dimentsio sinbolikoak gizarte errealitate osoa
barnean hartzen duenik. Gizarte ordena ezin da bere osotasunean azaldu ez
ikuspegi idealista edo kulturalistatik ezta ikuspegi materialistatik ere. Modu
berean, ezin zaio heldu ordena sozialaren azterketari ez abiapuntu
objektibista hutsetik ezta, oposizioz, abiaburu subjektibista soiletik ere.
Gizarte sistemak egiturazko osagaia dauka, bai, objektiboa den alderdia;
osagai horrek erakusten digu nola eratzen diren gizarte harremanak, eta
hark definitzen du eragile sozialak kokatzen direneko harremanen esparrua,
bere hertsapen eta determinazio guztiekin. Baina, egiturazko errealitate
horri modu bereiztezinean loturik, esanahi eta sinboloen sistema ordenatu
bat ere badugu, eta horren arabera gauzatzen da gizarte integrazioa.
Honako modu honetan definitzen du Geertzek kultura eta gizartea
artikulatzen dituen gizarte errealitatearen izaera bikoitza:
162