kulturgileak gizarte mugimenduetan - Euskara

uztera, beraien karrera profesionalean aurrera egin nahi badute (3.
Elkarrizketa).
Era guztietako tradizio intelektualekin gertatzen den bezala,
akademikoaren zereginaren eraginkortasuna haren lanaren zabalkundeari
lotuta dago. Unibertsitate akademikoari dagokionez, oso garrantzizkoa da
argitalpen zirkuitoen hedadura, faktore horrek eragina baitauka
pentsamenduaren eta ezagutza zientifikoaren komunikazioan eta
komunitate zientifikoaren sarearen eraketan. Hedapenaren auzia, baina,
oztopo objektibo latza dugu hizkuntza minorizatuaren kasuan. Batetik,
euskararen hiztun komunitatea txikia izatean, haren berezko kultura
merkatua murritza delako. Bestetik, elkarrizketetan adierazitakoaren
arabera, indarrean dagoen unibertsitate sistemaren barnean diharduen
akademiko euskaldunari ez zaiolako merezimendurik aitortzen euskaraz
argitaratzen duenean. Are gehiago, ez zaio aintzat hartzen euskaraz
argitaratzeak askotan dakarren lan bikoizketa: zuzenketak, itzulpenak, eta
abar.
Ordun, klaro, gainera egiten den planteamenduaren arabera, ba boteretsuenen
hizkuntzek bakarrik balioko dute, hau da, ingelesez argitaratzea edo frantsesez
edo alemanez edo gaztelaniaz argitaratzea, hori bai, horrek kontatzen du. Eta
diskurtsu gutxituetan lan egiteak, argitaratzeak edo funtzionatzeak, horrek ez du
baliorik. Bueno, ba ordun itxi dezagun behin betiko hizkuntza gutxituen kontua
edo, bestela, planteamendu horiek hankaz gora jarri behar direla, ezta? (3.
Elkarrizketa).
Beti bikoizten ibili behar duzu, gauza gehienak euskaraz eta erdaraz, bietan
aurkezten kasu askotan. Euskeraz bakarrik aurkeztu ezkero dardarka zaude
horren itzulpenik egiten duena nork egingo duen eta nola egingo duen ez
dakizulako eta, bueno, ikerketa horren balorazioan argi eta garbi agertzen zena:
erreferentzi gehienak euskeraz daudela, argitaratutako lan guztiak edo gehienak
euskeraz daudela, ordun, hori gutxiesten dela argi eta garbi (3. Elkarrizketa).
Oro har, elkarrizketatuen artean zabaldutako ustea da euskaraz eta
euskal kulturan aritu direnek ez dutela onespen handirik lortu
656